Aıgúl Jamalova – medıa salasynda 15 jyldan astam tájirıbesi bar kásibı jýrnalıst jáne medıamenedjer. Ol bedeldi «Bolashaq» stıpendııasy arqyly Ulybrıtanııanyń Lıds ýnıversıtetiniń Halyqaralyq jýrnalıstıka magıstri dárejesine ıe boldy. Al 2021 jyldan bastap MNU-de lektor qyzmetin atqarady.
Maqsut Narikbayev University komandasyna qosylǵanǵa deıin Aıgúl Jamalova «Jetinshi arna», «Atameken Business» sııaqty Qazaqstannyń jetekshi medıakompanııalarynda basshylyq qyzmetterin atqardy. Onyń digital-strategııalaryn ázirleý jáne iske asyrý, ınternet-marketıng, ınternettegi jeke jáne korporatıvtik brendti jyljytý, sondaı-aq úsh tilde eksklıýzıvti suhbattar júrgizý jáne mátin jazý salasynda mol tájirıbesi bar.
О́z qyzmet jolynda Aıgúl Jamalova «Astana» halyqaralyq qarjy ortalyǵynda korporatıvtik kommýnıkasııalar jónindegi dırektor laýazymyn atqardy, onda brendtiń jańartylǵan digital-strategııasyn iske asyrýmen jáne ishki kommýnıkasııalardy qurýmen aınalysty.
Maqsut Narikbayev University Aıgúl Jamalovanyń mol tájirıbesi, tereń bilimi, kóshbasshylyq qabileti ýnıversıtettiń damýyna oń áser etip, al Halyqaralyq jýrnalıstıka mektebi onyń jetekshiligimen Qazaqstanda bilikti jýrnalısterdi daıarlaýdyń ortalyǵyna aınalatynyna senimdi.
Eske salaıyq, 2023 jyldyń qyrkúıek aıynda Maqsut Narikbayev University-de Prezıdent Teleradıokesheniniń qoldaýymen Qazaqstandaǵy alǵashqy Halyqaralyq jýrnalıstıka mektebiniń saltanatty ashylý rásimi ótken edi.
