1926 jyly Alıaska gýbernatory Djordj Parks jalaýdyń nobaıyn baıqaý jarııalaıdy. Jarys qorytyndysynda 13 jastaǵy Alıaska turǵyny Bennı Benson úzdik tanylyp, 1 000 AQSh dollary kóleminde oqý grantyn utyp alady. Ol salǵan týda alıaskalyqtarǵa túnde únemi jol kórsetetin polıar juldyzy men Kishi aıý shoqjuldyzy beınelengen. 1927 jyly Bennıdiń usynǵan jalaýy resmı sımvol retinde kópshilikke tanystyryldy. Al 1959 jyly Alıaska resmı túrde shtattyq qurylymǵa ózgergenimen, kók tústi jalaý rámiz retinde qala berdi.
Az qaldy...
Álemdegi áıgili uzaqmerzimdi qurylys nysandarynyń biri – «Sagrada Familia» ǵıbadathanasy jaqyn kúnderi salynyp bitedi.
Ispanııanyń Barselona qalasynda ornalasqan bul ǵımaratyń irgetasy 1882 jyly qalanǵan edi. Oılańyzshy, sodan beri 142 jyl ótti. Biraq qurylys áli jalǵasyp keledi. Bir jaǵy onyń ataǵyn aspandatyp turǵan da osy uzaq ýaqytqa sozylǵan eńbek kúshi. Alaıda áıgili ǵımarattyń qurylysyna jaýapty Esteve Kamps mejege jaqyn kúnderi jetetinin habarlady. Onyń aıtýynsha, qurylysty 2026 jylǵa deıin aıaqtaý josparlanǵan. Bul degenimiz – osy ǵımarattyń sáýletshisi Antonıo Gaýdıdiń qaıtys bolǵanyna júz jyl tolýyna oraı degen sóz. Aıta keteıik, sáýletshiniń taǵy bir ereksheligi – ol ǵımarat jobasyn tolyqtaı syzyp qoımaǵan. Basyna kelgen ıdeıalaryn araǵa ýaqyt salyp otyryp túsirgen eken.
Eden jýǵysh «Elgezek»
Aqmolalyq oqýshy Ábilmansur Tólepov Smartfon arqyly basqarylatyn eden tazartqysh mashına oılap tapty.
7-synypta oqıtyn ónertapqyshtyń robottehnıkaǵa qyzyǵýshylyǵy óte joǵary. Ol – jas zertteýshilerge arnalǵan XIX «Zerde» respýblıkalyq zertteý jobalarynyń «Informatıka, robottehnıka, STEM ınjenerııa» seksııasy boıynsha baıqaýlarynyń jeńimpazy. Ábilmansur: «Armanym – adamnyń ómirin jeńildetetin qurylǵylardy oılap tabý. Ásirese anama kómekteskim keledi. О́zimniń bolashaq mamandyǵymdy IT salasymen baılanystyramyn», deıdi. Jas ǵalymnyń jetekshisi, ınformatıka páni muǵalimi Úmit Aıtjanovanyń aıtýynsha, qazir elektronıkamen baǵdarlamalyq qamtamasyz etý salasyndaǵy progress edáýir alǵa jyljyǵan. Sonymen qatar ol shákirtiniń eńbegi tazalaý úderisin aıtarlyqtaı jeńildetetinin, joǵary sapa men tıimdilikti qamtamasyz etetinin atap ótti.
