О́tken táýlikte sý tasqynyna qarsy is-sharalarǵa 361 áskerı qyzmetshi, 15 birlik avtokólik tehnıkasy, 5 tikushaq jáne áskerı-kóliktik avıasııa ushaǵy jumyldyryldy.
Aqtóbe oblysynyń eldi mekenderinen Áýe qorǵanysy kúshteri men áskerı ushqyshtar daıyndaıtyn ınstıtýttyń tikushaqtarymen 128 adam, onyń ishinde 27 bala evakýasııalandy. Daǵdarys aımaqtaryna shamamen 10 000 keli júk jetkizildi. 29 adam tasymaldandy. Olardyń ishinde TJM, ákimdik, buqaralyq aqparat quraldary jáne Áýe qorǵanysy kúshteri áskerı ınstıtýtynyń ınjenerlik-tehnıkalyq quramynyń ókilderi bar.
Abaı oblysynda Semeı qalasy avıabazasynyń ushqyshtary TJM qyzmetine aýdannyń ústinen aınalyp qarap shyǵýyna kómek kórsetip, Oba ózeninde muzdy jarý jumystaryna mamandar jetkizdi.
Qaraǵandy oblysy Nura aýdany Nura, Myńbaev, Egindi jáne Kóbeteı aýyldarynda da sý tasqynyna qarsy is-sharalar jalǵasty. Ol jerge 122 áskerı qyzmetshi jáne 7 avtokólik tehnıkasy jumyldyryldy. 1400-den astam qap qum daıyndalyp, tóseldi, aǵyn sý arnalary qardan tazartyldy jáne eki jeke úıdiń aınalasyndaǵy sý soryldy. Eldi mekenderdiń aınalasynda jáne Nura ózeniniń boıynda úıindi jasaldy.
Aqtóbe oblysy, Muǵaljar aýdany, Aqshat aýylynda «Batys» óńirlik qolbasshylyǵy 30238 áskerı bóliminiń áskerı qyzmetshileri 700 qap qum daıyndap, olardy tóseý jumystaryn júrgizdi. Batys Qazaqstan oblysynyń aýmaqtyq qorǵanys brıgadasy qum salynǵan qaptardy daıyndaýǵa jáne jergilikti turǵyndardy sý basqan úılerden alyp shyǵýǵa tartyldy. «Batys» óńirlik qolbasshylyǵy 41443 áskerı bóliminiń jeke quramy Atyraý oblysy, Jylyoı aýdany, Aqkıiztoǵaı aýylyndaǵy bógetti kúsheıtý jumystaryn júrgizdi.
Áýe qorǵanysy kúshteri áskerı ınstıtýtynyń áskerı qyzmetshileri Aqtóbe oblysynyń Kırpıchnyı, Aqjar, Aqshat eldi mekenderinde patrýldeýdi júzege asyrdy.
Sý tasqynynyń saldaryn joıýǵa 27 naýryz ben 2 sáýir aralyǵynda barlyǵy 964 áskerı qyzmetshi, 55 birlik avtokólik tehnıkasy, 14 tikushaq jáne 2 áskerı-kóliktik avıasııa ushaǵy jumyldyryldy.
Qarýly kúshterdiń bortymen 1 979 adam evakýasııalandy, onyń 584-i bala. Tikushaqtar 230 márte ushyp, 40 000 kelige jýyq gýmanıtarlyq júk tasymaldady. 19 700-den astam qum salynǵan qap daıyndalyp, tóseldi.
Sý tasqynyna qarsy is-sharalar áli de jalǵasady.
