Foto: Amanat
«AMANAT» partııasy Batys Qazaqstan oblysy boıynsha fılıalynyń atqarýshy hatshysynyń orynbasary Afıza Semǵalıevanyń aıtýynsha, birinshi kezekte «Jastar rýhy» jastar qanatynyń eriktileri Zachagan kentinde jumys istep jatqan tótenshe jaǵdaılar qyzmetkerlerine ystyq tamaq jetkizgen. Sondaı-aq Qaratóbi aýdany Qorjyn aýylyndaǵy zardap shekken halyqqa jyly kıimmen qamtamasyz etý kerektigin aıtty.
«Osyǵan oraı biz partııa fraksııasynyń múshelerine, oblystyq jáne qalalyq máslıhat depýtattaryna qarjy jınaý týraly usynys jasadyq. Fılıal qyzmetkerleri bir kúndik jalaqylaryn aýdardy. Nátıjesinde 7,2 mln teńge jınaldy. Biz halyqtan aqsha jınaǵan joqpyz, barlyǵy óz qarajatymyzǵa jasaldy.
Sóıtip, Qorjyn aýylyn sý basqannan keıin, kelesi kúni túske deıin 4 tonna gýmanıtarlyq kómek jetkizildi. Sondaı-aq Syrym óńirin sý basqany belgili boldy. Jergilikti turǵyndar balalar kıimin, jaıalyq pen jeke gıgıena quraldaryn surady. Kelesi kúni Syrym aýdanyna 4 tonna gýmanıtarlyq kómek jetkizildi. Terekti aýdany Ańqaty aýylynda jańa týǵan nárestelerge dári-dármek pen azyq-túlik qajet boldy. Olarǵa da qajetti zattar jetkizildi. Turǵyndar habarlasqan kezde qajetsiz, ysyrap bolatyn zattardy aparmaı, qarjy tıimdi jumsalýy úshin naqty ne qajet ekenin tizimdeı alamyz», deıdi A.Semǵalıeva.
Partııa fılıalynyń jaýapty hatshysynyń orynbasary mundaı kómek sý tasqynynan zardap shekken basqa aýyldarǵa da qajettilikterine qaraı jetkiziletinin tilge tıek etti.
«Sonymen qatar respýblıkanyń túkpir-túkpirinen partııalyq áriptester bizge habarlasyp, kómek qolyn sozyp jatyr. Máselen, Shymkentten 20 tonna azyq-túlik, kıim-keshek, jatyn orny bar arnaıy kólik keledi», deıdi A.Semǵalıeva.
Qyrmyzy JUMAǴALIQYZY,
EUÝ stýdenti
