Foto: Vladıslav Vodnev
Osy tusta Ulttyq bank sot isi men sheshimderi aıasynda jasalǵan «jeke sot oryndaýshylarynyń» jalǵan qujatyn usyný arqyly aldaıtyn alaıaqtardyń jıilep ketkenin eskertti.
«Qarajat jymqyrýdy kózdeıtin qaskóıler ózderin jeke sot oryndaýshysy retinde tanystyryp, azamattarǵa jalǵan qujattar jiberedi. Onda azamattarǵa tıesili Ulttyq bankte «jeke tulǵalardyń ashyq jáne saqtandyrylǵan shoty» bar dep aldaıdy. Sol úshin jábirlenýshi tarap retinde azamattarǵa aqshalaı tólemder men ótemaqylar tólenedi degen syltaýmen keıin «Ulttyq banktiń qarajatynan» óteledi dep saqtandyrý jarnasyn engizý kerek ekenin alǵa tartady. Azamattardy sendirý úshin memlekettik organdardaǵy «ýákiletti tulǵalardyń» nemese jeke sot oryndaýshysynyń qoly men aty-jóni jazylǵan jáne mór basylǵan jalǵan qujattardy kórsetedi. Mundaı «rastaýshy qujattar» azamattardy úshinshi tulǵaǵa aqsha aýdarýǵa sendirý úshin kórsetiledi. Ulttyq bank jeke tulǵalardyń shotyna qyzmet kórsetpeıtinin, azamattardyń qarjy quraldaryn saqtandyrýmen aınalyspaıtynyn, sondaı-aq halyqpen aqshalaı esep aıyryspaıtynyn eske salamyz», delingen habarlamada.
Alaıaqtardyń arbaýyna túsken azamattarǵa Qazaqstan Respýblıkasynyń quqyq qorǵaý organdaryna júginýge keńes berildi.
