Foto: depositphotos.com
Aýqymdy joba 8 tilde, ıaǵnı BUU-nyń alty resmı tili men qazaq jáne túrik tilderinde qoljetimdi.
Aqparattyq portalda muraǵat qorynyń derekteri de engizilgen. Bul bólimde muraǵattardaǵy qundy derekter, qujattar men arhıvtik tarıhı materıaldarmen erkin tanysýǵa bolady. Bul bastama – zertteýshiler, tarıhshylar jáne tarıhqa qyzyǵýshylyq tanytatyndar úshin baǵa jetpes resýrs.
Saıttyń negizgi bólimi – jańalyqtar blogi. Eldegi jáne álemdegi barlyq mádenı jańalyqtar osy aıdarda jarııalanatyn bolady. Joba aıtýly festıvaldar, jármeńkeler men konkýrstar, sondaı-aq teatr qoıylymdary men otandyq fılmderdiń premerasy, tanymal jáne jas jazýshylar kitaptarynyń tusaýkeseri, kórmeler, mereıtoılyq merekeler, túrli aýqymdaǵy óńirlik jobalardy qamtıdy.
Sonymen qatar platformada elimizdegi óner jáne mádenıet salasyndaǵy basty oqıǵalar men jańalyqtar týraly Qazaqstannyń mobıldi qosymshalary kórsetilgen aqparat ornalastyrylady.
«Qazaqstan mádenıeti jasandy ıntellekt prızmasy arqyly» bólimi – vırtýaldy túrde barlyq óńirler men olardyń kórikti jerlerin zerdeleýge múmkindik beredi.
Portalda aqparattyq tehnologııalarǵa erekshe nazar aýdarylǵan. «Qazaq Culture» kórermenge vırtýaldy 3D-týr arqyly Qazaqstannyń óńirleri men olardyń kórikti jerlerin zertteýge jol ashady. Al jasandy ıntellektiniń kómegimen saıttyń árbir qonaǵy fotosýretin engizip, ózin batyr nemese Uly dala jaýyngeri beınesinde kóre alady.
Saıttyń basty ereksheligi – biryńǵaı bılet júıesi. Portal qoldanýshylaryna yńǵaıly bolý úshin belgili bir mádenı is-sharanyń bıletin satyp alýǵa silteme beriledi.
