foto: AMANAT
Aqmola oblysy ákimdiginiń jumyldyrý daıyndyǵy basqarmasynyń basshysy Marat Ospanov atap ótkendeı, búgingi tańda evakýasııalanǵan 526 turǵyn úılerine oraldy.
18 myńnan astam bas mal der kezinde evakýasııalanyp, maldyń qyrylýyna jol berilmedi.
«Qazirgi tańda oblystyń bes aımaǵynda sý tasqyny jaǵdaıy turaqtalyp, sharyqtaý shegine jetti. Bul Stepnogorsk qalasy, Birjan sal aýdany, sondaı-aq Aqkól, Ereımentaý jáne Egindikól aýdandary», dedi spıker Respýblıkalyq aqparattyq shtabta ótken brıfıngte.
Eldi mekenderdi qorǵaý úshin uzyndyǵy 32 shaqyrymdy quraıtyn jaǵalaýlar salynyp, 18 shaqyrymdyq sý obektileriniń jaǵalaý syzyǵy nyǵaıtyldy. Sý tasqynymen kúresýge barlyǵy 2,5 myń adam, myńnan astam tehnıka, motopompalar men sý kólikteri jumyldyrylǵan. Tótenshe jaǵdaılar, qorǵanys jáne ishki ister mınıstrlikteriniń ózara is-qımyly aıasynda sý tasqynyna qarsy is-sharalardy kúsheıtý úshin qosymsha kúshter men quraldar jumyldyryldy», dedi spıker.
