Solardyń biri – memlekettik qyzmetshi, QR Densaýlyq saqtaý mınıstrliginiń apparat basshysy Batyrbek Ábdildın.
Torǵaı óńiriniń týmasy bir aýylda týyp-ósken azamattardyń, dostarynyń jáne kásipkerlerdiń basyn biriktirip, Qostanaı oblysy Amangeldi aýdanyna, Torǵaı óńirindegi basqa da sý basqan aýyldarǵa 40 tonnaǵa jýyq gýmanıtarlyq kómek jóneltti.
«Qıyn jaǵdaıǵa tap bolǵan aǵaıynǵa kerek-jaraǵyn, azyq-túligin jetkizý isi aldaǵy ýaqytta da jalǵasady», dedi Batyrbek Sultanuly.
Sonymen qatar Batyrbek Ábdildın qoǵamdyq negizde Astana qalalyq «Qazaq kúresi» federasııasyna jetekshilik etedi. Ramazan aıynda federasııa basshylyǵy «Elorda» qaıyrymdylyq qorymen birlesip, qarttar úıindegi qarııalarǵa, balalar úıiniń tárbıelenýshilerine, medrese shákirtterine birneshe ret aýyzashar berdi. Aýyzashar aıasynda muqtaj jandarǵa páter kiltteri tabystaldy.
