«Halqymyz tabıǵattyń tosyn minezi – kóktemgi sý tasqynyna qarsy turyp, aýyzbirshilik tanytyp jatyr. Jurt bolyp jumylyp, el bolyp birigip, alapat tasqynnyń betin qaıtarýǵa bar kúshterin salyp otyr. Syndarly sátte el Prezıdentiniń mańyna toptasyp, aýyrtpalyqty eńserýde eldik pen birliktiń úlgisin kórsetip jatyr. Halyqtyq uıym – «AMANAT» partııasy da alǵashqy sátten bastap sý basqan óńir halqynyń janynan tabylyp, bar kómegin usyndy. Jastar qanatynyń myńdaǵan eriktileri zardap shekkenderdi kóshirisýge, qarǵyn sýǵa qarsy bóget jasaýǵa, gýmanıtarlyq kómekti úlestirýge aıanbaı atsalysyp júr. Búgingi kúni partııamyzdyń el kóleminde búkil qurylymdyq bólimsheleri birigip, sý basýdan zardap shegip otyrǵan óńir turǵyndaryna jalpy somasy 1,5 mıllıard teńgeden astam somaǵa qarjylaı jáne zattaı kómek kórsetti. Elimizdiń túkpir-túkpirinen qajetti zattar men azyq-túlik tıelgen gýmanıtarlyq kómek kerýenderin jóneltti. Bul baǵyttaǵy jumystar áli de jalǵasyn taba beredi», dep jazdy depýtat.
Onyń aıtýynsha, Májilistegi fraksııa depýtattary da sý basýdyń birinshi kúninen bastap óńirlerge baryp, turǵyndardyń ortasynda júr.
«Aýyrtpalyqqa ushyraǵan aǵaıynnyń talap-tilegin quzyrly organdarǵa tikeleı jetkizip, qajetti resýrstardy jedel jumyldyrýǵa yqpal etip jatyr. Birqatar áriptesimiz jeke óz esepterinen qomaqty qarjylaı, zattaı kómekterin tıgizip jatyr. Depýtattar apattyń beti qaıtqansha sonda bolady. Bekem birligimizdiń arqasynda bul synaqtan da súrinbeı ótetinimizge senimdimin. Bastysy – elimiz aman, jurtymyz tynysh bolsyn. Aýyrtpalyqtar artta qalsyn. Barshańyzǵa amandyq, baq-bereke tileımin», dep jazdy ol.
