Atalǵan ken ornyn ıgerip jatqan «Teńizshevroıl» JShS Úkimetpen jáne jurtshylyqpen baılanys bóliminiń bas menedjeri Aıbek Qrambaevtyń málimetine súıensek, kompanııa Jylyoı aýdanyndaǵy sý tasqynynyń zardabyn joıýǵa 2 mlrd teńge bólip otyr.
«Bizdiń kompanııa 2-4 sáýir aralyǵynda Jylyoı aýdanyna tasqyn sýǵa qarsy jumystar úshin 90-ǵa jýyq arnaıy tehnıka, avtobýstar, azyq-túlik jáne janar-jaǵarmaı jiberdi. Turǵyn úıin sý basqan turǵyndar úshin vahtalyq kenttegi jataqhanalardan arnaıy oryn daıyndaldy. Mundaı kómek áli de jalǵasady», deıdi A.Qrambaev.
Jylyoılyq turǵyndar vahtalyq kenttegi jataqhanalarǵa kompanııanyń avtobýstarymen evakýasııalandy. Olardyń deni – balaly áıelder men qarttar. Arasynda júkti analar bar. Evakýasııalanǵan turǵyndardyń bári jatyn ornymen, ystyq taǵammen, qajetti medısınalyq kómekpen qamtylyp otyr. Turǵyndar kún saıyn medısınalyq tekserýden ótkiziledi. Júkti analardyń densaýlyǵyn qadaǵalaý úshin arnaıy maman shaqyryldy. Munda ásirese balalarǵa erekshe kóńil bólinip otyr. О́ıtkeni jataqhanadaǵy jaǵdaıǵa tez úırene almaýy múmkin. Sol sebepten balalar úshin túrli oıyn uıymdastyrylady. Tipti arnaıy kınoteatr ashylǵan. Balalarǵa qazir elimizdiń eń iri kınoteatrlarynda kórsetilip jatqan mýltfılmder usynylady.
Turǵyndarǵa TShO men merdiger mekemelerdiń qyzmetkerlerinen bólek eriktiler de kómekke kelgen. Kompanııa qyzmetkerleri gýmanıtarlyq kómek jınap, ushaqpen «Teńizdegi» vahtalyq kent pen Qulsary qalasyna jetkizip jatyr.
«Qazir bárine ońaı emes ekenin bilemiz. Qulsaryǵa tasqyn sý kire salysymen zattarymyzdy jınap, túnde vahtalyq qalashyqqa keldik. Jataqhana bolsa da, ómir súrýge jaqsy jaǵdaı jasalyp otyr. О́z úıimizge eshteńe jetpeıdi ǵoı, biraq qaýipsizdikti sezine bastadyq. Ashanada taǵamnyń túr-túri bar. Meıramhanadaǵydaı as mázirine tańdaý jasaýǵa bolady. Qyzmetkerler bizge jaqsy qyzmet kórsetedi», deıdi jylyoılyq turǵyn Maqpal Shaharbaeva.
Qulsary qalasyn sý basqanda aldymen «Aspar Kashagan» JShS kómekke umtylypty. Bul seriktestik – «Teńizshevroıl» JShS-nyń merdigerleriniń biri. Atalǵan seriktestik basshylyǵy tehnıkalyq qoldaý men gýmanıtarlyq kómekten bólek vahtalyq kenttegi jataqhanalarǵa 700-den asa adamdy qabyldaýǵa sheshim qabyldapty.
«Jylyoı aýdanynda jumys istegendikten, osyndaı qıyn kúnderde turǵyndarǵa qalaı kómektespeımiz? Evakýasııalanǵan turǵyndar azyq-túlikpen jáne medısınalyq kómekpen qamtamasyz etildi. Qazir balalarǵa túrli týrnır uıymdastyrýdy qolǵa aldyq», deıdi seriktestiktiń óndiristik menedjeri Saltanat Súleımenova.
Al «Caspian Offshore Construction Realty» JShS ıeligindegi «Bolashaq» vahtalyq qalashyǵyndaǵy jataqhanaǵa 3 myń adam ornalasqan. Bul – «Teńiz» kenishindegi úlken jataqhanalardyń biri. Qalashyq meńgerýshisi Ǵalymjan Ábirdiń aıtýynsha, tórt saǵatta qajetti bólmeler daıyndalyp, 2 myńnan asa adamdy qabyldanǵan. Keıin turǵyndar sany 1 myń adamǵa kóbeıdi.
Qulsary qalasynan evakýasııalanǵan áıelder munda bos júrgen joq. Keıbiri vahtalyq qalashyqtaǵy aspazdarǵa, endi bireýleri tehnıkalyq qyzmetkerlerge kómektesip júr. Olar osyndaı qıyn sátterde bir-birine qoldaý kórsetý mańyzdy ekenin túsinedi.
Sondaı-aq «Neftestroıservıs» JShS-nyń qyzmetkerleri balalarmen jaqsy qarym-qatynas ornatyp úlgeripti. Qazir seriktestiktiń jataqhanalarynda 540-tan asa adam turady.
Taǵy bir merdiger – «Senimdi qurylys» JShS Qulsary qalasy men Turǵyzba aýylynan evakýasııalanǵan 800-ge jýyq turǵyndy qabyldady. Munda turǵyndar kúndelikti medısınalyq tekserýden ótkizilip, turmysqa qajetti taýarlarmen qamtamasyz etilgen.
