Táýelsiz sarapshylar bizge ekonomıkanyń emıtent pen ınvestor qyzmetterdiń tolyq spektrin alatyn bir naqty platforma bolýy kerektigin, bizdiń el eki bırja ustaıtyndaı deńgeıge jetpegenin jıi aıtatyn.
UB tóraǵasynyń aıtýynsha, Memleket basshysy bırjalardy biriktirýdi emes, bırjalardyń áleýetin biriktirýdi tapsyrdy. Bul ártúrli suraqtar, óıtkeni bırjalardyń birigýi bir zańdy tulǵanyń qurylýyn bildiredi.
«Naýryz aıynyń sońyna deıin sheshimdi ázirleý tapsyryldy. Bul sheshimdi biz, ıaǵnı Ulttyq bank, Qarjy naryǵyn retteý jáne damytý agenttigi jáne AHQO ázirledik», dedi Tımýr Súleımenov.
Ol bul sheshim qazir Prezıdent ákimshiliginiń qaraýynda ekenin atap ótti. Ony maquldaǵan soń Ulttyq bank ony jarııalap, júzege asyrýǵa kirise alady. Josparǵa sáıkes, kelesi jylǵa deıin bırjalar birlesip áreket ete bastaıdy.
Ulttyq bank basshysy kóptegen elderde baǵaly qaǵazdar naryǵy ekonomıkany qarjylandyrýdyń mańyzdy joldarynyń biri bolyp tabylatynyn qosty. Degenmen, búginde Qazaqstan ekonomıkasyn tek bankter qarjylandyrady. Onyń oıynsha, qor naryǵyn damytpaı, jalpy ekonomıkanyń damýy týraly oılaý qıyn bolady.
Sondyqtan Ulttyq bank bırjalyq ınfraqurylym múmkindiginshe jaqyn bolýy kerek, al ótimdilik birkelki bolýy kerek, osylaısha kez kelgen qural eki platformada da qoljetimdi bolýy kerek dep esepteıdi. Ulttyq banktiń Prezıdent ákimshiligine joldaǵan sheshiminiń máni de osy.
AIX pen KASE biriktirý shemasy 2024 jyldyń naýryz aıynda usynylatyny buryn habarlanǵan bolatyn. Qazaqstan qarjygerleri qaýymdastyǵynyń basshysy Elena Bahmýtova qos bırjany KASE bazasynda biriktirý kerek degen oıǵa basymdyq beredi. Onyń aıtýynsha, munda negizgi ótimdilik shoǵyrlanǵan, oǵan qosa ol – jeke platforma. О́timdilik áli de Almatyda joǵary.
Qarjy naryǵyn retteý jáne damytý agenttiginiń basshysy Mádına Ábilqasymova qos bırjany biriktirýde Qatar eliniń tájirıbesine súıený qajet ekenin aıtady. Al táýelsiz sarapshylar bolsa, qos bırjany bir jerden basqarý bıýdjetti ońtaılandyrýǵa múmkindik degen oıǵa basymdyq beredi.
Qazaqstan qor bırjasynyń qurylǵanyna bıyl – 31 jyl. 1993 jyldyń 17 qarashasynda shetel valıýtasynyń saýda-sattyǵyn uıymdastyrý úshin otandyq bankaralyq valıýtalyq bırjasy qurylyp, birneshe jyldan keıin onyń ataýy Qazaqstan qor bırjasy dep ózgertilgen. Qurylǵan sátten bastap KASE – Qazaqstandaǵy qor jáne valıýtalyq naryqtarǵa qyzmet kórsetetin, qarjy naryǵynyń ajyramas ınfraqurylymy bolyp tabylatyn jáne otandyq ekonomıkada mańyzdy oryn alatyn bırja.
Al AIX 2017 jyly «Astana» halyqaralyq qarjy ortalyǵyn damytý sheńberinde qurylǵan. «Astana» halyqaralyq qarjy ortalyǵy, Shanhaı qor bırjasy, Jibek Joly Qory jáne AIX-ke saýda platformasyn da usynatyn NASDAQ – AIX aksıoneri. Bırja aǵylshyn quqyǵynyń qaǵıdalaryna negizdelgen normatıvtik-quqyqtyq baza sheńberinde jumys atqarady, osy arqyly senimdi ınvestısııalyq ortany qamtamasyz etedi.
