Týrızm jáne sport mınıstrligi Sportty damytý dıreksııasynyń baspasóz qyzmeti habarlaǵandaı, Ulttyq qurama kóshbasshysy fınalda Olımpıada joldamasynyń taǵy bir ıegeri, ózbekstandyq Djabraıl Shapıevten basym tústi. Esep – 5:2.
Bul Azamattyń sary qurlyq chempıonatyndaǵy qatarynan úshinshi altyny. Sonymen qatar ol kúmis (2017 jyl, Delı) jáne qola (2018 jyl, Bishkek) medal jeńip alǵan.
Kúndizgi sessııada Azamat ırandyq sportshy Hadı Vaıaeıpýrany upaı sanymen, sosyn jartylaı fınalda qytaılyq Peılong Lıdi (11-0) taza jeńdi.
Asyl Aıtaqyn men Rızabek Aıtmuhan dúbirli dodada kúmis júldeni qanaǵat tutty.
Azııa chempıonatynda 61 kg deıingi salmaqta el namysyn qorǵaǵan Asyl Aıtaqyn fınalda jarys qojaıyny Taıyrbek Jýmashbekýýlyna 1:3 esebimen jol berdi. Kúndizgi sessııada Asyl Palestınadan kelgen Álı Ábýrýmaılany (6-0), Mońǵolııa balýany Eneboldý Engbatýdy (11-0), al jartylaı fınalda úndistandyq Akash Dahııany (11-0) jyqty.
Atalǵan saıysta Rızabek Aıtmuhan da kúmis júldege ıe boldy. 97 kg deıingi salmaqtyń fınalynda eki álem chempıony kúsh synasty. Asa tartysty ótken Rızabek Aıtmuhan men Ahmed Tajýdınov arasyndaǵy aıqas keıingisiniń jeńisimen aıaqtaldy. Esep – 4:2. Reseılik A.Tajýdınov búginde Bahreınniń atynan synǵa túsip júr. Bul – Rızabek pen Ahmed arasyndaǵy ekinshi beldesý. Birneshe aı buryn Antalıadaǵy halyqaralyq týrnırdiń jartylaı fınalynda Bahreın sportshysy basym túsken.
Ulttyq quramanyń 19 jastaǵy balýany Rızabek kúndizgi sessııada qyrǵyz Andreı Aronovty (6-0), sosyn ózbekstandyq Mahsud Veısalov (11-0) pen úndistandyq Vıkıge (13-0) upaı bermeı utty.
Aıta keteıik, balýanymyz byltyr Astanada ótken sary qurlyq chempıonatynda 92 kg deıingi salmaqta kúmis medal alǵan.
Azııa chempıonatynyń alǵashqy kúninde erkin kúresten 57 kg deıingi salmaqta Meırambek Qartbaı qola júldeger atandy. Ulttyq qurama sportshysy 3-oryn úshin beldesýde Qytaı ókili Lı Veııýdi 7:2 esebimen jeńdi. Esterińizge sala keteıik, 2023 jyly Serbııada ótken álem chempıonatynda Meırambek 5-oryndy mise tutqan edi.
