Din men dástúr – egiz uǵym

Din men dástúr. Qazaqtyń bolmysymen bite qaınasqan bul eki qasterli uǵym qadym zamandaǵy qıly zaýaldarǵa qarsy turǵan, halyqty birlikke, tutastyq pen tatýlyqqa baǵyttaǵan rýhanı qundylyq. Alla taǵala qasıetti Qurannyń Aǵraf súresinde: «Ǵafý jolyn usta, ǵuryppen ámir et...» depti. Taıaýda Astana qalasyndaǵy Ulttyq sýret galereıasynda QMDB-nyń uıymdastyrýymen «Din men dástúr – egiz uǵym» atty rýhanı kesh ótti. Qasıetti Quran súrelerimen ashylǵan keshti Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly bastap, bıylǵy jylda atqarylǵan is-sharalarǵa keńinen toqtaldy. «Din men dástúr jyly» dep jarııalanǵan bıylǵy jyldyń qorytyndy keshine qoǵam qaıratkerleri, parlament depýtattary, oblys ımamdary men dintanýshy ǵalymdar, zııaly qaýym ókilderi qatysty. Qazir ulttyq tabıǵatymyzben sabaqtas asyl dúnıelerimizdi, jaýharlarymyzdy jaryqqa shyǵarý, úzilgenimizdi jalǵap, joǵalt­­qanymyzdy túgendeý bas­ty baǵyt bolyp tur. Sol arqyly qazaq­tyń tolyqqandy ultqa, Alash­tyń irgeli elge aınalýy úshin qoldan kelgenshe úles qosý bolyp tabylady. Baǵdarlama aıasynda, beıne taspa, terme, qoıylym, aıtys, dástúrli án men kúı rásimderi ótti. Ár kezeńniń óz belesi men eleýli oqıǵalary bolatyndaı, dinı sala úshin de 2014 jyl tarıhı oqıǵalarǵa toly boldy. Qysqasha toqtalar bolsaq, bıylǵy jyldyń qazan aıynda Qazaqstan musylmandary dinı basqarmasy Astanaǵa qonys aýdardy. Jyl basynda din salasyndaǵy ýákiletti organ men QMBD-nyń arasynda ózara yntymaqtastyq týraly kelisimge qol qoıyldy. Dinı basqarmanyń 2020 jylǵa deıingi qyzmetin damytý tujyrymdamasy qabyldanǵan. Egıpet pen Túrkııa­nyń dinı basqarmalarymen, Más­keý qalasyndaǵy Islam ýnıver­sıtetimen jasalǵan ýaǵdalastyń sheńberinde elimizdiń 64 ımamy atal­ǵan elderde bilimin jetildirý ústinde eken. Respýblıka boıynsha meshitter janyndaǵy saýat ashý kýrstarynda 22 592 adam dinı bilim alypty. Din qyzmetkerleri 1mln. 168 myńnan astam turǵyn­darymyzǵa din jaıynda halyq­tyń kókeıinde júrgen saýaldaryna jaýap bergen. О́zekti dinı máseleler boıynsha, sonyń ishinde «tákfirshiler», «hıjrat», «jıhad» uǵymdary jáne qazirgi zaman týraly 23 pátýa shyǵarylypty. Sondaı-aq, Qasıetti Ramazan aıynda 17 280 turmysy tómen otbasyna qaıyrymdylyq kómek, 480 rýhanı sharalar ótkizilipti. Kesh sońynda Bas múftı Erjan qajy Malǵajyuly eren eńbegimen tanylyp, osy salanyń órkendeýine eleýli úles qosqan azamattarǵa «Alǵys hat» tabys­tap, arnaıy marapattaý rásimin ótkizdi. Qysqasy, mundaı ıgilikti is-sharalar bolashaqta da jalǵasyn taba bermek. Raýshan TÁÝIRHANQYZY, jýrnalıst.