Jelezın aýdanynda júrgizilgen prokýrorlyq tekseris barysynda aýyr qylmys jasaǵan, sondaı-aq psıhıkalyq aýrýlary bar adamdardyń bilim berý uıymdarynda qyzmet etkeni anyqtaldy.
Mysaly, balabaqshalardyń birinde kisi óltirgeni úshin sottalǵan adam shamamen 5 jyl jumys istegen.
- Birneshe bilim berý mekemesinde uryp-soqqany jáne soqqyǵa jyqqany úshin jaýapqa tartylǵan jumysshylar anyqtaldy. Mundaıǵa eńbek zańnamasynda tikeleı tyıym salynǵan. Jelezın aýdandyq prokýratýrasy qabyldaǵan sharalardyń nátıjesinde joǵaryda atalǵan adamdar jumystan shyǵarylyp, basshylary tártiptik jazaǵa tartyldy, – dep habarlady Pavlodar oblysy prokýratýrasynyń baspasóz qyzmeti.
Prokýrorlardyń sózinshe, jalpy 500-den astam kámeletke tolmaǵan azamattyń quqyǵy qorǵalǵan.
