«Akademııanyń 400 áskerı qyzmetshisi jáne 19 tehnıkasy Petropavl qalasynyń eldi-mekenderindegi (Olshanka aýyly, Beskól k., Gorvodokanal, Pestryı kóli, Leshoz) sý tasqynyna qarsy jumystardy atqarýǵa belsendi qatysyp jatyr», dedi Ulttyq ulan Akademııasynyń bastyǵy polkovnık Artýr Toqyshev.
20 naýryzdan bastap búgingi kúnge deıin Akademııanyń kýrsanttary SQO-nyń Prıbrejnyı, Kojevennyı, Olshanka, Zarechnyı, Beskól eld mekenderinde, sondaı-aq Petropavl qalasynyń shetki aımaqtaryndaǵy Solnechnyı, Bereke, Podgara, Rabochıı yqsham aýdandarynda sý tasqynyn boldyrmaý jáne apattyń saldaryn joıý jumystaryn atqaryp jatyr.
Sonymen qatar Ulttyq ulan kýrsanttary, sarbazdary men Qorǵanys mınıstrligi jaýyngerleri Petropavl qalasynyń «Qyzyljar sý» JShS-niń aýyzsýǵa arnalǵan sorǵy stansııasyn tasqyn qaýpinen qorǵaý úshin tosqaýyl qoıý jumysyn túngi ýaqytta kirpik ilmesten tynymsyz atqardy. Qoldanylǵan tıisti sharalar men kýrsanttardyń janqııarlyq eńbeginiń nátıjesinde qala turǵyndaryn aýyzsýmen qamtamasyz etý qurylǵylary iske qosyldy.
