Foto: Petr Karandashov
Atyraý oblystyq polısııa departamenti ákimshilik taktıka bólimshesiniń basshysy Ǵarıfolla Taıshybaevtyń aıtýynsha, Jylyoı aýdanynda «Sergek» kameralarynyń jumysy toqtatylǵan.
«Qulsary qalasynda «Sergek» baqylaý kameralary 4 sáýirde óshirildi. Sodan beri qalada eshqandaı quqyq buzýshylyq tirkelgen joq. «Kıber-sherıf» qondyrǵysy bar avtokólikter Qulsary qalasynyń syrtyndaǵy tasjoldarda qaýipsizikti qadaǵalap júr. Tótenshe jaǵdaı kezinde tirkelgen aıyppuldar turǵyndardyń shaǵym berýi arqyly keri qaralady. Aıyppul tóleý týraly nusqama kórsetilgen mekenjaıǵa jiberiledi. Turǵyndar shaǵymyn, jyldamdyqty qandaı qajettilikke baılanysty asyrǵanyn dáleldeıtin qujattardy usynýy qajet. Mysaly, bala-shaǵasyn evakýasııalyq pýnktke shuǵyl jaǵdaıda aparǵan bolýy múmkin. Sol mekenjaı boıynsha suranys berilip, marshrýttyń sáıkestigi tekserilgen soń sheshim qabyldanady», dep túsindirdi Ǵarıfolla Taıshybaev.
