Foto: Turar Qazanǵapov
Konkýrstyq irikteý 2024 jylǵy 10 mamyrdan 30 qarashaǵa deıin ótedi. Qujattar egov.kz portaly arqyly qabyldanady. Al «500 ǵalym» boıynsha ótinimderdi qabyldaý jáne konkýrstyq irikteý alǵash ret bolashak.gov.kz portalynda «Úmitkerdiń jeke kabıneti» bóliminde onlaın júrgiziledi.
Aıta keteıik, bıyl ınjenerlik-tehnıkalyq jáne medısınalyq mamandyqtarǵa basymdyq beriledi.
2024 jyly «Bolashaq» baǵdarlamasy boıynsha oqý úshin 555 stıpendııa bólindi. Onyń ishinde 395 stıpendııa magıstratýra jáne rezıdentýra, doktorantýra baǵdarlamalary boıynsha – 50 stıpendııa, taǵylymdamadan ótý úshin - 110 stıpendııa bólindi.
«Basym mamandyqtar tizbesi ortalyq jáne jergilikti memlekettik organdardyń ótinimderi, qysqa merzimdi jáne uzaq merzimdi damý strategııalary men josparlary boıynsha qalyptastyryldy. Úmitkerler sý qaýipsizdigi jáne sý burý, agroorman sharýashylyǵy, qurylys, AО́K, jasandy ıntellekt, molekýlalyq genetıka sııaqty ózekti mamandyqtar boıynsha shetelde daıyndyqtan óte alady», delingen «Halyqaralyq baǵdarlamalar ortalyǵy» AQ taratqan habarlamada.
«Bolashaq» stıpendııasy boıynsha kvotalyq sanattar da qarastyrylǵanyn aıta ketý kerek. Atalǵan sanatqa ınjenerlik-tehnıkalyq qyzmetkerler, medısına mamandary jáne aýyldyq jerlerde turatyn kandıdattar kiredi. Kvotanyń ereksheligi - úmitkerler tegin tildik daıyndyqtan óte alady.
«500 ǵalym» baǵdarlamasy álemniń jetekshi ǵylymı ortalyqtarynda Qazaqstan ǵalymdarynyń biliktiligin arttyrý maqsatynda Memleket basshysynyń tapsyrmasyna sáıkes bekitildi. Bul baǵdarlama boıynsha jyl saıyn 500 stıpendııa bólinedi.
Memleket akademııalyq oqýǵa, taǵylymdamadan ótýge, ushýǵa, medısınalyq saqtandyrýǵa, vızalyq alymdarǵa, oqý materıaldaryn satyp alýǵa jumsalatyn shyǵyndardy jabady, sondaı-aq aı saıynǵy stıpendııa tólenedi.
Úmitkerlerge qoıylatyn talaptar, mamandyqtar tizbesi, ýnıversıtetter men ǵylymı ortalyqtardyń tizimi bolashak.gov.kz saıtynda jarııalanǵan.
