Foto: kapital.kz
Finprom.kz saraptamasyna sáıkes, Qazaqstanda 2022 jyldyń qorytyndysy boıynsha memlekettik basqarý jáne qorǵanys, sondaı-aq mindetti áleýmettik qamsyzdandyrý sektoryndaǵy ınvestısııalar eki eseden astam ósken.
Global Firepower sarapshylary usynǵan derekke qaraǵanda, áskerı qýat deńgeıi boıynsha elder reıtınginde Qazaqstan 63-orynda tur. Reıtıng sarapshylary 60 túrli faktordy, onyń ishinde memlekettiń qorǵanysqa jumsalatyn shyǵyndar deńgeıin, tehnıkalar jáne jabdyqtar arsenalyn, armııa sanyn, tankter, korablder men ushaqtar sanyn, armııanyń jaýyngerlik qabilettiligine áser etetin resýrstaryn baǵalady. Bul rette ıadrolyq qarý faktory eskerilmegen.
TMD elderiniń ishinde Reseı qorǵanysqa 82,6 mlrd dollar, Ýkraına 30 mlrd dollar, Ázerbaıjan 3,1 mlrd dollar jumsaıdy. Bul rette Belarýs pen О́zbekstandaǵy bıýdjet Qazaqstanǵa qaraǵanda birneshe ese tómen boldy:
Global Firepower sarapshylarynyń málimetinshe, Qazaqstan avıasııasynda 237 ushý apparaty bar: 75 jaýyngerlik tikushaq, al ushaqtar arasynda – 39 shabýylshy, 81 joıǵysh, 17 kólik jáne 25 oqý ushaǵy. Elimizdiń qurlyq áskerlerinde 300 tank, 5,2 myń jaýyngerlik brondy mashına, 246 ózdiginen júretin artıllerııalyq qondyrǵy, 456 birlik súıretiletin artıllerııa jáne 407 reaktıvti dúrkin atys júıesi bar.
Áskerı personaldyń jalpy sany 77 myń adamdy quraıdy, onyń ishinde 45 myń adam – áreket etýshi áskerı, 32 myń adam áskerılendirilgen quralymdarǵa jatady.
