Foto: naryntany.kz
Mahambet aýdany ákimdiginiń málimetinshe, buryn Jaıyq ózeniniń jaıylmasyna 9 mamyrǵa deıin sý kelmeıtin bolǵan.
«Alaıda, bıyl qarǵyn sýdyń jaıylmaǵa ádettegiden eki apta buryn shyqqany tirkeldi. Qazir Jaıyq ózeninen Tólep-Qarasý, Qorjyn, Almaǵambet, О́lishyǵanaq, Gagýshkın, Qyzyljar, 15-aýyl, 13-aýyl, Petrýshkın, 12-aýyl, 9-aýyl, Qarashyǵanaq, Kishi Qarashyǵanaq, 8-aýyl, Baqsaı, Glýhoı jáne Sbornyı jaıylmasyna qarǵyn sý shyqty», dep habarlady oblystyq shtabtan.
Mahambet aýdandyq kásipkerlik jáne aýyl sharýashylyǵy bóliminiń basshysy Oljas Myrzabaevtyń málimetine súıensek, jeke ıeliktegi mal úshin 17 qaýipsiz aýmaq belgilengen.
«Bizdiń aýdanda 50 myńǵa jýyq mal bar. Qaýipti aýmaqtarda kóktemgi egis jumystarymen aınalysatyn 46 sharýa qojalyǵynyń basshylaryna aldyn ala eskertý berildi. Qazir qaýipsiz jerlerge 4 myńnan astam mal aıdaldy. Qaýipsiz aýmaqtardyń marshrýty men kartasy aýyldyq okrýg ákimderi, aýdandyq jer qatynastary bólimi jáne aýyl aqsaqaldarymen birlesip ázirlendi» dep habarlady Oljas Myrzabaev.
