Aqtóbe oblysynyń prokýratýrasy birqatar jábirlenýshilerdiń ótinishi boıynsha QK-niń 190-baby 4-bóligi 2-tarmaǵy “asa iri mólsherde aqsha urlaý faktisi” boıynsha sotqa deıingi tergeý júrip jatqanyn málimdedi.
- 2023 jyly "MoreLife" QQ dırektory J. "serebraldy sal aýrýy"dıagnozymen esepte turǵan jas balany emdeýge 30 mln teńge kóleminde aqsha jınaý úshin jábirlenýshilerdiń birimen shart jasasqan. Jınalǵan qarajatqa qol jetkizgennen keıin kúdikti J. jábirlenýshi A. -ny kámeletke tolmaǵan balasymen Belarýs Respýblıkasynyń Mınsk qalasyna jiberedi, - dedi Aqtóbe oblysynyń prokýratýrasy.
Alaıda, vedomstvonyń málimetinshe, jábirlenýshi kelgen kezde jınalǵan aqsha emdeý mekemesiniń shotyna aýdarylmaǵanyn biledi.
- Qylmystyq is boıynsha jábirlenýshiler oblys prokýrorynyń jeke qabyldaýynda boldy. Tergeý qatań baqylaýǵa alyndy, jedel-tergeý toby quryldy. Oblys prokýrorynyń nusqaýy boıynsha More Life qoǵamdyq qorynyń dırektory QIJK – niń 128-babyna sáıkes ustaldy, eki aı merzimge qamaýda ustaý túrindegi bultartpaý sharasyna sanksııa berildi, - delingen baspasóz habarlamasynda.
Qazirgi ýaqytta sotqa deıingi tergep-tekserý jalǵasýda, barlyq zardap shekkenderdiń sany jáne keltirilgen zalal somasy belgilenedi.
