Foto: gov.kz
Sarapshylardan bólek kezdesýge Senat depýtattary, IIM, Konstıtýsııalyq, ıývenaldy jáne Joǵarǵy sot ókilderi, medıatorlar birlestikteri uıymdarynyń basshylary qatysty. Basqosýdy Azamattyq qoǵam isteri komıtetiniń tóraǵasy Gúlbara Sultanova bastap:
– Medıasııa – ómirdiń barlyq salalarynda azamattar ómiriniń ajyramas bóligi. Azamattardyń ózara beıbit ózara is-qımylyn qamtamasyz etý úderisterin jeńildetedi. Mádenıet jáne aqparat mınıstrligi medıasııa júıesiniń jumys isteýin jáne damýyn qamtamasyz etý jónindegi ýákiletti organ retinde qazirgi ýaqytta Sottan tys medıasııa ınstıtýtyn odan ári damytý tujyrymdamasyn ázirleý jóninde jumys júrgizip jatyr. Soǵan barlyq medıatorlardy belsendi túrde qatysýǵa shaqyramyz, – dedi.
Forým aıasynda ınteraktıvti paneldik pikirtalastar, «Qazaqstan – Bolgarııa: medıasııany qoldanýdyń halyqaralyq tájirıbesi» taqyrybynda semınarlar ótti. Onda qatysýshylar eki eldegi medıasııa tájirıbesin egjeı-tegjeıli zerdelep, ıdeıalar men tájirıbe almasty. Basqosý sońynda qatysýshylarǵa arnaıy sertıfıkattar tabystaldy.
Sondaı-aq delegattar Astananyń Iývenaldy sotynyń tatýlastyrý ortalyǵyna jáne «Januıa» otbasyn qoldaý ortalyǵyna baryp, medıasııany sot tájirıbesinde jáne otbasylardy qoldaý júıesinde qoldaný tetikterimen tanysty.
