Tańǵajaıyp «Batyr mall»!..

Oblys ortalyǵynda ómiri bolmaǵan tańǵajaıyp «Batyr mall» atty saýda-oıyn-saýyq ortalyǵy ashyldy. Qala tur­ǵyn­dary bala-shaǵasyn, ata-apalar nemerelerin ertip kóńildi, qyzyqty demalýǵa múm­kindik týdy. Saýda-oıyn-saýyq orta­lyǵynyń ashylýyna oblys ákimi Qanat Bozymbaev ta keldi. Búkil qala turǵyndaryna osyndaı ǵajaıyp keshendi kásipker Vıacheslav Rýff jyl sońyndaǵy merekelerge tartý etti. Kásipkerge osy ortalyqty salý úshin «Bıznestiń jol kartasy-2020» baǵdarlamasy arqyly memlekettik qoldaý kórsetildi. Jobanyń jalpy quny – 1,5 mlrd. teńge. Jalpy aýmaǵy 30 myń sharshy metrdi quraıdy. Qazir saýda-oıyn-saýyq ortalyǵynyń ashylýyna qalalyqtar kóptep kelýde. Al tynymsyz qyzyqtap kelip jatqan turǵyndarǵa barlyq jaǵ­daılar jasalǵan. Endi qala ishilik baǵytta júretin arnaıy «Batyr mall» degen avtobýs­tar shyǵady. Sondaı-aq, jeke kólikpen kelýshilerge avtoturaq bar. Ortalyqtyń birinshi, ekinshi qabattarynda saýda oryndary ornalasqan. Dámdi ashana qyzmeti daıyn. Birinshi qabatta 4 kınozal sońǵy úlgidegi tehnologııamen jab­dyq­talypty. Boýlıng zaly ornalasqan. Sondaı-aq, ekinshi qabatta «Vıkıng lend» atty balalardyń oıyn alańy, túr­li attraksıondar qyzmet kórse­tedi. Úlkenge de, kishige de óz jasyna saı oıyn-saýyqty, qy­zyqty qyzmetterdi tańdaı alady. Oblys kásipkerlik, saýda jáne týrızm basqarmasynyń basshysy Aleksandr Babenko­nyń aıtýynsha, oıyn-saýyq nysanynyń qurylysyna memleket tarapynan 85 mıllıon teńge sýbsıdııa berilgen kórine­di. Sondaı-aq, ortalyqqa qaraı keletin 640 metrlik joldy qaıta qalpyna keltirýge qol­daý kórsetilipti. Ortalyqta on­da­ǵan jańa jumys oryndary ashyldy. Farıda BYQAI, «Egemen Qazaqstan». PAVLODAR.