2021 jyly balalarǵa ulttyq folklordy dáripteıtin «Qonzhyq» mobıldi qosymshasy iske qosyldy. Jas urpaqtyń ulttyq mýzykaǵa, ədebıetke, mədenıetke, salt-dəstúrge jəne ana tilin úırenýge degen qyzyǵýshylyǵyn oıatýǵa baǵyttalǵan qosymshada 150 myńnan asa qoldanýshy bar. Buǵan halyq folklorynyń klassıkalyq jəne zamanaýı altyn qoryn engizgen. Onda 1 200-den astam ertegi, zamanaýı jəne halyq ənderi, túrli aspaptaǵy kúıler, besik jyrlary, klassıkalyq jəne zamanaýı aqyndardyń poezııasy, sonymen qatar Abaıdyń qara sózderiniń jeńildetilgen nusqasy da qosa júktelgen. Oıyn formatyndaǵy oqý bólimi de bar.
– Negizi bastamasy balalardy damytatyn «Qonjyq Marıo» atty ertegiden keldi. О́zim ana bolǵandyqtan ana tilinde kontent shyǵarýdy oılastyrǵanmyn, biraq ýaqyt óte kele qazir kitaptar úlken suranysqa ıe bolmaıtynyn túsindim. Sol sebepti jańa zamanǵa saı, barlyǵynyń uıaly telefonynda bolatyn mobıldi qosymsha retinde shyǵarýdy jón kórdik. Ereksheligi – paıdalanýshyǵa yńǵaıly ári qoljetimdi. Ata-ana «Google» men «YouTube-ti» sharlap, qajet dúnıeni izdep otyrmaıdy. Búkil álem sıfrlyq formatqa kóshýde, biz de soǵan ilestik, – deıdi Áıgerim.
Komandanyń negizgi bólimi ónim menedjeri, eki ázirleýshi jáne marketologten turady. Aýtsorsım «UX/UI» qyzmetteri, menedjer trafıgi, grafıkalyq dızaınerler, mazmun menedjerleri de bar.
– Qosymshamyzda kópshiliktiń qulaǵynda jattalǵan ertegiler men kúıler de, kóne, kóbi estı bermegen týyndylar da bar. 250-ge jýyq ertegi, 1 700 án-kúı jáne túrli besik jyryn qosý – úlken eńbekti talap etti. Eń jıi tyńdaıtyndaryna kelsek, Aldar kóse men Qojanasyr týraly ertegiler, «Adaı», «Aqsaq qulan», «Kóńil tolqyny» kúıleri. Keıingi urpaqqa kóp paıda alyp keler mura bolýy úshin túrli ulttyq kontentpen tolyqtyrý oıda bar. Mysaly, salt-dástúr, jón-joralǵylar, umytylyp bara jatqan kádelerimiz týraly aıtqymyz keledi. Maqal-mátelder, jumbaqtar – osynyń barlyǵy qosymshamyzda bolýy úshin jumys istep jatyrmyz, – dedi joba avtory.
