Foto: QR AShM Balyq sharýashylyǵy komıteti
25 sáýirde Mańǵystaý oblysy boıynsha balyq ınspeksııasy basqarmasynyń Jaıyq-Kaspıı oblysaralyq basseındik balyq sharýashylyǵy ınspeksııasynyń qyzmetkerleri Kaspıı teńiziniń jaǵalaýyn tekserý barysynda Túpqaraǵan aýdanynda 12 ıtbalyq óleksesin tapty.
Inspeksııa men jergilikti atqarýshy organdardyń, Gıdrobıologııa jáne ekologııa ınstıtýtynyń ókilderinen turatyn jumys toby zertteý jumystaryn bastady.
«Itbalyq ólekseleri shirip ketken, bul olardyń ólimi shamamen qys mezgilinde bolǵanyn bildiredi. Olar 23 sáýirde bastalyp, búgingi kúnge deıin batystan soǵyp turǵan daýyldyń saldarynan jaǵaǵa shyǵyp ketken.
Bul rette, Gıdrobıologııa jáne ekologııa ınstıtýtynyń qyzmetkerleri tıisti zerthanalyq zertteýler júrgizý úshin ishki aǵzalardyń tinderin, sondaı-aq azý tisterin ishinara iriktep aldy», delingen habarlamada.
23-24 sáýir aralyǵynda ınspeksııa Gıdrobıologııa jáne ekologııa ınstıtýtynyń qyzmetkerlerimen birlesip, Kaspıı teńiziniń jaǵalaýyn tekserý kezinde 67 ıtbalyq óleksesin anyqtady, olar da shirigen kúıde tabyldy.
2024 jyldyń 29 naýryzy men 25 sáýiri aralyǵynda barlyǵy 182 ıtbalyq óleksesi tabyldy.
