foto: www.gov.kz
Tıisti jumysty memlekettik organdar Memleket basshysy men QR Úkimeti basshylyǵynyń tapsyrmalaryn oryndaý sheńberinde júrgizdi.
Búgingi kúni tabıǵı monopolııalar salasyndaǵy zańnamalyq aktilerge ózgerister engizildi, olar otandyq óndirýshilerge baǵany shartty túrde 10%-ǵa tómendetý túrinde satyp alýdyń basqa qatysýshylaryna qaraǵanda artyqshylyq beredi. Bul jylý, gaz, elektr, sýmen jabdyqtaý jáne sý burý mekemelerine qajetti taýarlardy jetkizýge qatysty.
Bul túzetýler otandyq materıaldardy, jabdyqtardy jáne basqa da ónimderdiń óndirýshilerin kommýnaldyq kásiporyndardyń konkýrstaryna qatysýǵa yntalandyrýǵa arnalǵan. Qazirgi ýaqytta Qazaqstanda turǵyn úı-kommýnaldyq sharýashylyqty jańǵyrtý boıynsha tolyqqandy jumys júrgizilip jatqanyn eskere otyryp, tıisti taýarlarǵa turaqty uzaq merzimdi suranys paıda bolýda. Bul otandyq bıznes úshin jańa perspektıvalar ashady.
Tabıǵı monopolııalar sýbektileriniń barlyq satyp alýlary osy úshin bólingen saýda alańdarynda elektrondyq formatta júzege asyrylatynyn atap ótken jón.
Kommýnaldyq kásiporyndar jáne kvazımemlekettik sektor sýbektileri bolyp tabylatyn tabıǵı monopolııalar sýbektileriniń basym bóligi satyp alýdy memlekettik satyp alý týraly zańnama jáne Samuryq-Qazyna qorynyń erejeleri sheńberinde júzege asyrady.
Tabıǵı monopolııalar salasyndaǵy zańnamalyq aktilerge engizilgen túzetýler tabıǵı monopolııalardyń jeke sýbektilerin satyp alý tártibin retteıdi.
Bul rette, jańa engizilgen túzetýler qoldanylatyn tabıǵı monopolııalardyń bazalyq sýbektileri (jeke) 2023 jyly jalpy somasy 93 mlrd teńgeden astam taýarlar satyp aldy. Onyń 26 mlrd teńgeden astamyn otandyq óndirýshiler, 66 mlrd.teńgeden astamyn ımporttyq óndirýshiler quraıdy.
Osy normanyń engizilýine baılanysty, bıylǵy jyly tabıǵı monopolııalar sýbektilerin satyp alýlarynda otandyq taýar óndirýshilerdiń qatysý úlesin arttyrý josparlany jatyr.
Otandyq óndiristi odan ári keshendi qoldaý jáne damytý jónindegi jumys QR Úkimetiniń baqylaýynda.
