IýNESKO-nyń bas dırektory TÚRKSOI-da

Taıaýda Túrkııa Syrt­qy ister mınıstrliginiń uıym­dastyrýymen О́kiletti elshilerdiń 7-shi konferensııasyna qatysqan IýNESKO-nyń Bas dırektory Irına Bokova Túrkııaǵa al­ǵashqy resmı saparynyń aıasynda Halyqaralyq TÚRKSOI uıy­mynyń shtab-páterinde boldy. Irına Bokova TÚRKSOI uıymymen 20 jyldan astam ýaqyt ishinde kóp­tegen is-sha­ralar birlese atqa­ryl­ǵan­dy­ǵyn ataı kele, «Ha­lyq­aralyq TÚRKSOI uıy­my men IýNESKO mádenıet jáne óner salalarynda bir ba­ǵyt­ta qyzmet atqaryp keledi. О́ıtkeni, mádenıet – adam tabı­ǵatyndaǵy eń úlken baılyq. Álemdegi bıologııalyq ártúrliliktiń orny qandaı bolsa, adamzat ishindegi áralýandyq ta sondaı. Mádenı mura men mádenı qundylyqtardyń áralýandyǵy álemdik beıbitshiliktiń ornyǵýyna súbeli úles qosatyny sózsiz. Álemde zorlyq-zombylyq beleń alǵan qazirgi kezeńde ıntellektýaldy jáne joǵary deńgeıdegi yqpaldastyqtyń, toleranttylyq pen únqatysýdyń qajettiligi arta túsýde. TÚRKSOI uıymynyń jasaǵan jumystaryna únemi kóńil bólip otyramyz. Tatarstanda ótken sharalar, Qyrǵyzstanda Manas rýhyn asqaqtatqan ıgi jumystar nazarymyzdan tys qalǵan joq. Túrki álemi – mádenı muraǵa baı dúnıe. Osy tusta túrki álemindegi jetistikter Qazaqstan memleketiniń bastamasymen IýNESKO-nyń shtab-páterinde BUU-nyń Bas Assambleıasy jarııalaǵan Halyqaralyq mádenıetter jaqyndasýynyń onjyldyǵy rýhymen astasyp jatqandyǵyn aıryqsha aıtýymyz kerek. Aldaǵy jyly IýNESKO men TÚRKSOI arasyndaǵy yntymaqtastyqqa 20 jyl tolady. Sondyqtan IýNESKO jalǵyz emes, onyń TÚRKSOI syndy qoldaýshysy bar», – dedi. TÚRKSOI-dyń Bas hatshysy Dúısen Qaseıinov 1996 jyldan beri IýNESKO-nyń qoldaýymen kóptegen is-sharalardyń joǵary deńgeıde ótkendigin sóz etti. «Búgingi TÚRKSOI shtab-páterindegi kezdesýdiń tarıhı oqıǵa ekeni sózsiz. TÚRKSOI BUU-nyń Bas Assambleıasy jarııalaǵan Halyqaralyq mádenıetter jaqyndasýynyń onjyldyǵy jobasyn qoldap otyrady. Osy turǵydan kelgende, IýNESKO-nyń 70 jyldyq mereıtoıy qarsańynda túrki dúnıesinde jáne búkil álemde beıbit ómir súrý mádenıetiniń kúsheıýine úles qosýdy jalǵastyramyz. Bul yntymaqtastyq túrkitildes halyqtardyń mádenı murasynyń saqtalýy úshin ǵana emes, adamzattyq jáne ǵalamdyq mádenıetiniń damýyna súbeli úles qosady. Sonymen qatar, sońǵy kezeńde IýNESKO-nyń shtab-páterinde Naýryz merekelik konserti, TÚRKSOI-dyń 20 jyldyq mereıtoıy, «Balalar beıbitshilik úshin» atty sýret kórmesi syndy aıtýly sharalar uıymdastyrdyq. IýNESKO-nyń Bas dırektory túrki dúnıesinde ótken birqatar sharalarymyzǵa ózi qatysyp qoldaý kórsetti. Budan keıin de birlese atqaratyn sharalarymyz az emes. Bıylǵy jyldyń naýryz aıynda, ıaǵnı IýNESKO-nyń 70 jyldyǵy qarsańynda Naýryz merekelik konsertin, sáýir aıynda Qorqyt ata taqyrybyna arnalǵan sımpozıým men dástúrli-folklorlyq konsert uıymdastyramyz», – dedi Dúısen Qaseıinov. Aınash ESALI, «Egemen Qazaqstan».