foto: qala ákimdiginiń baspasóz qyzmeti
30 sáýirde Eýrazııalyq gýmanıtarlyq kolledjde Qazaqstan halqynyń birligi kúnin merekeleýge arnalǵan taqyryptyq kýratorlyq saǵattar, «Bar bereke – birlikte!» dóńgelek ústeli josparlanǵan.
L.N.Gýmılev atyndaǵy EUÝ-da, sondaı-aq birneshe kolledjde QHA músheleriniń Qazaqstan halqynyń birligi kúnine arnalǵan oqý oryndaryndaǵy dáristeri ótedi.
«Jeleznodorojnyı» turǵyn alabynda 30 sáýir kúni mektep oqýshylary arasynda «Tatýlyq mekeni» atty sýret baıqaýy ótedi.
Dál osy kúni №1 jáne №3 Balalar mýzykalyq mektebinde konserttik is-sharalar josparlanyp otyr.
Bul kúni L.N.Gýmılev atyndaǵy EUÝ-da Qazaqstan halqynyń birligi kúnine arnalǵan dóńgelek ústel, «Kóptildilik qazaqstandyq bilim berý úrdisi retinde» blıs týrnıri, sol sııaqty «Jansaıa» áleýmettik qyzmet kórsetý ortalyǵynda qyzmet alýshylarǵa, ata-analarǵa, qyzmetkerlerge arnalǵan konsert ótedi.
30 sáýir kúni «Úmit» daǵdarys ortalyǵynda, «Qamqor» áleýmettik qyzmet kórsetý ortalyǵynda, «Sharapat» áleýmettik qyzmet kórsetý ortalyǵynda, «Januıa» otbasy ınstıtýtyn qoldaý ortalyǵynda, «Nurly júrek» áleýmettik qyzmet kórsetý ortalyǵynda, Belsendi uzaq ómir súrý ortalyǵynda konsertter, ulttyq oıyndar festıvalin, sýret konkýrsyn ótkizý josparlanyp otyr.
Al 30 sáýir men 1 mamyr kúnderi Jazýshylar alleıasynda álemniń ártúrli tilderindegi óleńderdi mánerlep oqý is-sharasy ótedi. Sol sııaqty dál osy alleıada «Bir shańyraq astynda» asfaltqa sýret salý baıqaýy, «Kitap qala» kitaphanasy negizinde «Yntymaǵy jarasqan týǵan ólkem – Qazaqstan» taqyrybynda kitap kórmesi, Baıqońyr aýdanynyń kishkentaı turǵyndary arasynda kóńildi starttar ótedi.
30 sáýir kúni Qazaq tehnologııa jáne bıznes ýnıversıtetinde dóńgelek ústel, Ál-Farabı atyndaǵy Oqýshylar saraıynda «Dostyq kerýeni» teatrlandyrylǵan-horeografııalyq kompozısııasy, Ortalyqtandyrylǵan kitaphanalar júıesinde «Dostyǵy jarasqan el» atty stýdenttermen dóńgelek ústel ótedi.
Bul kúni Bógenbaı dańǵyly men Jeńis dańǵylynyń qıylysyndaǵy «Aqjaıyq» saıabaǵynda Etnomádenı birlestikter músheleriniń qatysýymen aǵash otyrǵyzý is-sharasy ótedi.
1 mamyr kúni qala boıynsha «Baýyrsaq biriktiredi» (baýyrsaq taratý) merekelik sharasyn ótkizý josparlanyp otyr.
Á.Mámbetov atyndaǵy komedııa-drama teatrynda «Aqan seri» qoıylymynyń premerasy, «Jastar» saraıynda «Saraıymyzdyń balalary» konserti ótse, «ALJIR» memorıaldyq-murajaı kesheninde «Ult birligi – Uly baılyq» kórmesi, S.Seıfýllın atyndaǵy murajaıda «Birlik túbi – bereke» kórmesi, M.О́temisuly atyndaǵy Oqýshylar saraıynda «Birligi jarasqan Qazaqstan!» kórmesi ótedi.
B.Momyshuly, 5 mekenjaıyndaǵy Oqýshylar saraıynda merekege arnalǵan birqatar is-shara qolǵa alynbaq. Sol sııaqty №42 orta mektepte «Beıbitshilik pen kelisim tileımiz» meırammen quttyqtaý chellendj aksııasy (ártúrli etnos ókilderiniń qatysýymen) uıymdastyrylady.
Bul kúni Qazaq ulttyq horeografııa akademııasynda «Yntymaǵy jarasqan Qazaqstan» dóńgelek ústelin ótkizý josparlanyp otyr.
