IýNESKO-ISESKO: Ulttyq komıssııa otyrysy ótti

Basqosýǵa quzyrly organ­dardyń ókilderi, IýNESKO-nyń ortalyq­tary men kafedra­larynyń jetekshi­leri, Komıs­sııa janyndaǵy ulttyq komı­tet­ter­diń basshylary, sondaı-aq IýNESKO-nyń Almaty qalasyndaǵy Aımaq­tyq keńse­siniń ókilderi qatysty.

Jıynda búkilálemdik gýma­nı­­tarlyq uıymmen ózara yq­pal­dastyqty damytý máseleleri talqylandy. Erlan Qarın Atyraý­da ótken Ult­tyq quryl­taı­dyń úshinshi otyry­synda Memleket basshysy elimiz­diń IýNESKO-men aradaǵy yntymaq­tastyǵynyń basymdyq­taryn aıqyndap bergenin aıtty. Prezıdent Quryltaıda Qazaq­stannyń Búkilálemdik mura komıtetine múshe bolǵanyn atap ótip, eli­miz­diń mádenı jáne tabı­ǵı mu­ra­laryn IýNESKO-nyń Dúnıe­júzi­lik mura tizimine engizýge qatysty naqty tapsyrmalar berdi.

Memleket basshysy Ǵylym jáne tehnologııalar jónindegi ult­tyq keńestiń sáýir aıyn­daǵy oty­ry­synda klımattyń óz­gerýi­ne baılanysty IýNESKO aıasynda Almatydaǵy О́ńirlik glıa­­sıo­logııalyq ortalyqtyń júıe­li túrde júrgizip otyrǵan zertteý­leriniń mańyzdylyǵyna aıryqsha nazar aýdardy.

Osy oraıda Memlekettik keńes­shi ýáki­letti organdarǵa Qazaqstan Res­pýb­lıkasy men IýNESKO arasyn­daǵy Ortalyqqa qatysty kelisimniń merzimin uzartý máselesin pysyqtaýdy tapsyrdy.

Basqosýda IýNESKO-nyń aımaq­tyq keńsesi basshysynyń min­detin atqarýshy Aıgúl Ha­lafova IýNESKO jáne ISESKO is­teri jónindegi ulttyq komıs­sııa­synyń tóraǵasy Erlan Qarınge «Turannyń qysqy sýyq shólderi» kópulttyq atalymynyń quramdas bóligi retinde «Altyn Emel» ulttyq parki men Barsakelmes qory­ǵy IýNESKO-nyń Dúnıe­júzi­lik mura tizimine 2023 jyly engizilgenin rastaıtyn sertıfıkattyń túpnusqasyn tapsyrdy.