Foto: Astana TV
London polısııasynyń basshysy Stıýart Bell atalǵan qalanyń Haınot aýdanynda bolǵan oqıǵa saldarynan 13 jastaǵy bala kóz jumyp, taǵy tórt adam jaraqat alǵanyn habarlaǵan. Keıin polısııa jan tapsyrǵan balanyń 13-te emes, 14 jasta ekenin anyqtady. Zardap shekkender dereý aýrýhanaǵa jetkizildi. Stıýart Belldiń aıtýynsha, olardyń ómirine qaýip tónip turǵan joq.
36 jastaǵy shabýyldaýshyny tutqyndaǵan polısııa atalǵan shabýyldy terrorlyq áreket dep eseptemeıtinin málimdedi.
London polısııasy komıssarynyń orynbasary Lýıza Rolf shabýyldaýshy aýrýhanada jatqanyn, onyń resmı túrde tutqyndalǵanyn, biraq onyń jaǵdaıyna baılanysty áli jaýap alynbaǵanyn aıtqan. Aıta keteıik, polıseıler qylmyskerdi qolǵa túsirý úshin dıstansııalyq elektroshoker qurylǵysyn qoldanýǵa májbúr bolǵan.
«Onyń qolynda úlken samýraı semseri boldy. Barlyǵyn bólme terezesinen kórdim. Sodan keıin ol bir-eki úıdiń arasyna kirip ketti, men dalaǵa júgirip shyqtym. Polıseıler ony elektroshokermen urǵanyn baıqadym», dedi jergilikti turǵyn Krıs Beıts BBC radıosyna bergen suhbatynda.
