Eriktiler qozǵalysyna jańa tujyrym qajet

Elimiz jahandy jaı­la­ǵan túrli syn-qaterge qara­mastan, stra­tegııa­­lyq maqsat-mindet­te­rinen aıny­maıdy. Az ýaqyt ishin­de júr­gizilgen saıası refor­malar nátıjesinde  bıliktiń bar­lyq tar­maǵy adamnyń zańdy múd­desin, quqyǵy men erkindigin qorǵaýǵa jáne ony ilgeriletýge negizdelgen jańa júıede jumys isteı bastady. Endigi mindet – ádil­dik, ınklıýzıvtilik, pragmatızm qaǵıdalaryna negizdelgen jáne halyqtyń ál-aýqatyn arttyrýdy kózdeıtin jańa ekonomıka úlgi­si­ne kóshý.

Bul týraly elordada ót­ken sessııada Prezıdent Qasym-Jomart Toqaev keńinen toq­ta­lyp, Assambleıa jumysyn elimizdiń jańa gýmanıtarlyq ıdeologııalyq doktrınasymen úılestirý qajet dep tapsyrdy. Buǵan qosa jas­tardy ıdeologııalyq tár­bıe­leý, etnos­aralyq kommýnıkasııalar alań­daryn qurý, áleý­met­tik ma­ńyzy bar jobalardy iske asyrý, etnomedıasııa jáne vo­lon­ter­lik qozǵalysty damytý týraly mindetter júkteldi.

О́ńirlik Assambleıa sessııa­synda Pavlodar oblysynyń áki­mi Asaıyn Baıhanov QHA-nyń qoǵamdaǵy transformasııa­syn aıryqsha atap ótti jáne sý tasqyny kezinde ýaqtyly kómek kórsetýdi uıymdastyra bilgen Assambleıanyń róli men orasan zor tájirıbesin joǵary baǵalady. QHA-nyń músheleri, volonterleri qıyn-qystaý kún­deri Petropavl, Oral qala­la­rynda kómek kórsetti. Sý tas­qynynan zardap shekkenderge gýmanıtarlyq kómek jınaýǵa jáne jetkizýge qatysqandardyń barlyǵyna halyqtyń alǵysy zor.

Sondaı-aq A.Baıhanov Ekibastuz qalasynyń, Pavlodar, Jelezın, Ýspen aýdandaryndaǵy etnomádenı birlestikteriniń, Aqsaqaldar men Analar keńes­te­riniń, jastar qanatynyń, ǵylymı-saraptamalyq toptyń belsendi qyzmetin atap ótti. Qazaqstan halqy Assambleıasy tóraǵasynyń qoǵamdyq orynbasary laýazymyndaǵy jemisti jumysy úshin «Býkovına» rýmyn-moldova mádenı qoǵamy» QB tóraǵasy Aýrıka Dıakqa alǵysyn bildirdi. Buǵan qosa «Dostyq úıiniń» qyzmetin áleýmettik jáne azamattyq bastamalardyń qaınar kózi – «komıýnıtı-ortalyq» retinde qaıta formattaýdy usyn­dy. Etnoskverdi jańǵyrtý jáne ornalastyrý boıynsha jańa ıdeıa­lar daıyndaý, aımaqtaǵy mek­tepter úshin ádistemelik or­talyq uıymdastyrý, sondaı-aq Q.Darjuman atyndaǵy ulttyq jańǵyrý mektebiniń jumys nysanyn qaıta qaraý usynyldy.

Jıynda sóz alǵandar QHA-nyń Ádiletti Qazaqstan qurýdaǵy rólin arttyrý jaıynda oı bólis­ti. Oblystyq Assambleıanyń sa­rap­­shylar qaýymdastyǵy bú­gin­­­gi tańdaǵy mindetterdi tú­si­nýde bir­tutas bola bilgendigi atap ótil­di.

Oblystyq fınn-ýgor etno­mádenı ortalyǵynyń tóraǵasy, Assambleıadaǵy Analar keńesi tóraǵasynyń orynbasary Olga Nıkolashına Prezıdenttiń jas urpaqqa taǵylymdy tárbıe berýge qatysty oralymdy oılaryna toqtaldy.

«Analar – qoǵamnyń negizi. Qazirgi tańda Pavlodar oblysy aýmaǵynda 500-den astam áıeldi biriktirip otyrǵan 146 Analar keńesi jumys isteıdi. «Áıel-ana bir qolymen besikti, ekinshi qolymen álemdi terbetedi» degen qazaq danalyǵy bar. Bul naqyl bizdiń keńesterimizdiń kúndelikti uranyna aınalǵan. Uıymdarymyz qurylǵan sátten erekshe balalarmen, ómirlik qıyn jaǵdaıǵa tap bolǵan jasóspirimdermen jumys isteı bastadyq, volonterlik qoz­ǵalys paıda boldy. Pavlodar garnızonyndaǵy áskerı bólim­derdi qamqorlyǵymyzǵa aldyq. Memlekettik tildi meńgerýge kóp­tiń qyzyǵýshylyǵyn arttyrý maqsatynda «Tálim Time» jo­basy iske asyp, 8 aıdyń ishinde 8 balabaqsha men 250-den astam búldirshin qamtyldy. «Má­de­nıet­ti ana – mádenıetti ult», «Otbasy – tárbıe irgetasy» jobalary men túrli festıvalder jas ur­paqty qazaq halqynyń rýhyn­da tárbıeleýge jol ashty.

Ulttyq quryltaıda Prezı­dent Qasym-Jomart Toqaev elge qaýip tóndirip turǵan bes keselge toq­taldy. Assambleıa nasha­qor­lyq, qumarpazdyq (lýdo­ma­nııa), tur­mystyq zor­lyq-zom­by­lyq, vandalızm jáne ysy­rap­shyl­dyq sııaqty áleý­­met­tik keselder­men kúresý isinde ma­ńyz­dy ról atqarady. Qaýip­siz ómir súrý úshin osyndaı qater­li qu­by­lys­tar­dan birjola arylýy­­myz kerek. Analar ke­ńesi halyqtyń esirt­ki ındýs­trııa­syna «nóldik tózimdiligin» qalyptastyrý ba­ǵy­tynda josparly jumys júr­gizip otyr. Bul baǵyttaǵy isterimiz aldaǵy ýaqytta eselene túsedi», dedi ol.

«Assambleıa jastary» Res­pýb­lıkalyq jastar bir­les­tiginiń belsendisi, Á.Marǵulan atyndaǵy Pav­lodar pedagogıkalyq ýnı­­­versıteti stýdenttik assambleıa­­sy­nyń tóraǵasy Danıl Dıýba «QHA Volonterým Haby» dep atalatyn jastardyń kóshpeli lagerin uıymdastyrýdy usyndy. Joba óńirlik Assambleıadaǵy volonterler qozǵalysynyń jańa tujyrymyna ázirleýge negiz bolady.

Sessııa sońynda rýhanı bir­likti, dostyqty jáne ult­ara­lyq yntymaqtastyqty ny­ǵaı­tý­ǵa belsendi úles qosqany úshin QHA ardagerleri, etnomádenı birlestikterdiń músheleri «Pav­lodar oblysyna sińirgen eńbegi úshin» belgilerimen, oblys ákiminiń Qurmet gramotalarymen, Alǵys hattarymen marapat­taldy.

Pavlodar oblysy