Aýyl sharýashylyǵy vıse-mınıstri Erbol Tasjúrekovtiń aıtýynsha, baǵdarlama jyldyq 2,5% syıaqy mólsherlemesi boıynsha 5 jylǵa deıingi merzimge shaǵyn nesıe beredi. Al mal sharýashylyǵyndaǵy jobalarǵa kredıt merzimi 7 jyldy quraıdy. Nesıeniń eń joǵary somasy 2,5 myń aılyq eseptik kórsetkishke (AEK) deıin, (bıyl 9,2 mln teńge), aýyl sharýashylyǵy kooperatıvterin damytý úshin 8 myń aılyq eseptik kórsetkishke deıin ( 29,5 mln teńge) qarastyrylǵan.
«Aýyl sharýashylyǵy kooperasııasyn damytýǵa da erekshe kóńil bólindi. «Aýyl amanaty» baǵdarlamasy aıasynda 6,2 mlrd teńge somasyna 299 kooperatıv qarjylandyryldy. Jalpy, kooperatıvke birigý – aýyl sharýashylyǵy tehnıkasyn birlesip paıdalanýǵa, óndirilgen ónimdi saýda bazarlarynyń, qala dúkenderiniń sórelerine shyǵarýǵa múmkindik beredi», deıdi E.Tasjúrekov.
Aýyldy damytýǵa arnalǵan baǵdarlamaǵa memleketten 100 mlrd teńge bólý josparlanǵan. Qarajat jetispegen jaǵdaıda oblys ákimdikteriniń jergilikti bıýdjetten shaǵyn nesıeleýge qosymsha aqsha bólý múmkindigi bar.
