Foto: Túrki Akademııasynyń baspasóz qyzmeti
Basqosýǵa Túrki Akademııasynyń prezıdenti Shahın Mustafaev, Túrik tili qoǵamynyń prezıdenti Osman Mert, Ázerbaıjan Ulttyq ǵylym akademııasynyń prezıdenti Isa Gabıbbeılı, Atatúrik ortalyǵynyń tóraǵasy Nızamı Djafarov jáne TMU aqsaqaldar keńesiniń múshesi Gasan Gasanov, sonymen qatar Túrki memleketteri uıymyna múshe elderden jáne baqylaýshy memleketterden kelgen Komıssııa músheleri men til bilimi salasyndaǵy ǵylymı-zertteý ınstıtýttarynyń ǵalymdary qatysty.
Túrki áleminiń ortaq álipbıi jónindegi komıssııanyń ekinshi otyrysynda baýyrlas memleketterdiń ókilderi ortaq álipbı ıdeıasyn ilgeriletý baǵytyndaǵy jańa qadamdardy talqylady.
Otyrystyń ashylý saltanatynda sóz sóılegen Shahın Mustafaev ortaq álipbı máselesi — túrki halyqtary yntymaqtastyǵynyń mańyzdy baǵyty ekenin atap ótti.
«Túrki áleminiń birligin nyǵaıtý úshin álipbı birligine de mán berilýi tıis. Sońǵy jyldary túrki memleketteri arasyndaǵy yntymaqtastyq ınstıtýsıonaldy sıpatqa ıe bolǵan saıyn, ortaq álipbı máselesi kún tártibinde jıi qozǵala bastady», dedi Sh.Mustafaev.
Aıta ketsek, Túrki memleketteri uıymymen kelise otyryp, Túrki Akademııasynyń bazasynda jumys isteıtin komıssııa ár taraptan lıngvıstıkalyq salaǵa jaýapty eki músheniń qatysýymen qurylǵan bolatyn. Komıssııanyń alǵashqy otyrysy 2023 jyly 29 mamyrda Astana qalasynda ótip, birqatar mańyzdy sheshimder qabyldanǵan edi.
