Foto: Roskosmos
Ǵarysh aılaǵyndaǵy №31 ushyrý alańynan jóndeýden keıingi alǵashqy start júzege asty. «Soıýz-2.1a» zymyran tasyǵyshy «Progress MS-33» júk kemesin orbıtaǵa sátti jetkizdi.
Roskosmos málimetinshe, ushý kezeńderi shtattyq rejımde ótken. Keme eseptelgen orbıtaǵa jetkizilip, zymyrannyń úshinshi satysynan ajyratylǵan. Budan keıin onyń antennalary men kún batareıalary tolyq ashylǵan.
Aldyn ala josparǵa sáıkes, 24 naýryz kúni «Progress MS-33» Halyqaralyq ǵarysh stansııasynyń reseılik segmentine túıisip, shamamen 2,5 tonna júk jetkizedi.
Baıqońyrda «Soıýz MS-28» zymyranyn ushyrý kezinde asa qaýipti jaǵdaı tirkeldi
№31 ushyrý alańy – Baıqońyrdaǵy ǵarysh kemelerin ushyrýǵa arnalǵan jalǵyz keshen. О́tken jyldyń qarasha aıynda dál osy jerde ushyrýǵa daıyndyq kezinde zymyrannyń tómengi bólikterimen baılanystyratyn qyzmet kórsetý kabınasy qulaǵan.
Naýryz aıynyń basynda Roskosmos alańdaǵy qalpyna keltirý jumystary tolyq aıaqtalǵanyn habarlap, nysan qaıta paıdalanýǵa berilgenin málimdedi.
