Foto: ult.kz
Atyraý oblysy jedel shtabynyń málimetine súıensek, Mahambet jáne Sarytoǵaı aýyly aralyǵyn jalǵaıtyn jol jyrylǵan.
«Mahambet aýdandyq tótenshe jaǵdaı jónindegi shtabtyń sheshimimen sý deńgeıin azaıtý maqsatynda Mahambet pen Sarytoǵaı aýyly ortasyndaǵy jol jyrylyp, qatynasty ýaqytsha toqtatýǵa sheshim qabyldandy. Arnaıy tehnıkalardyń kómegimen aýylaralyq jol buzylyp, uzyndyǵy 11 metr, eni 1,5 metrlik 2 dana qubyr turbasyn salý jumystary júrgizildi. Osyǵan baılanysty, jol qatynasy ýaqytsha toqtatylyp, aýyl turǵyndaryna jaǵdaı tolyqtaı túsindirildi», dep habarlady Mahambet aýdanynyń ákimi Qaırat Nurlybaev.
Ákimniń málimetinshe, eki aýyldyń arasyndaǵy joldyń uzyndyǵy – 5 shaqyrym. Mahambet jáne Sarytoǵaı aýyldarynda 12 924 adam turady.
