foto: azh.kz
«Shegirtkeniń tabıǵı túrde eń kóp taralýy bıyl, 2024 jylǵa kelip tur. Bul máselege qatań jaýapkershilikpen qaraý kerek. Aýyl sharýashylyǵy mınıstrligine oblys ákimdikterimen birlesip, zııankesterdiń taralý oryndaryn anyqtaýǵa qosymsha resýrs jumyldyrýdy jáne óńdeý jumystaryn baqylaýǵa alýdy tapsyramyn», dedi Bektenov úkimet otyrysynda.
Aýyl sharýashylyǵy mınıstri Aıdarbek Saparovtyń aıtýynsha, byltyr maýsym aıynda shegirtkelerdiń taralý aýmaǵynyń úlken bolýyna baılanysty osy jyly 2,5 mln ga alańda hımııalyq óńdeý júrgizý josparlanyp otyr.
«Eń kóbi Aqtóbe oblysynda - 784 myń gektar, Qostanaı oblysynda - 775 myń gektar jáne Túrkistan oblysynda - 272 myń gektar alańda taralady dep kútilýde. О́ńdeý júrgizý úshin barlyq qajetti resýrs bar», dedi ol.
Bıyl úıirli shegirtkelermen kúresý úshin respýblıkalyq bıýdjetten 8,1 mıllıard teńge bólingen. Pestısıdter qory der kezinde satyp alyndy. О́ńdeý jumystaryn júrgizý úshin qajetti tehnıkalar jetkilikti.
