Foto: Atyraý oblysynyń jedel shtaby
Atyraý oblystyq jedel shtabtyń deregine súıensek, sý tasqynynan qaýip tónse, Mahambet aýdanynyń turǵyndary Maqat aýdanyna kóshirilýi múmkin.
«Maqat aýdanyndaǵy 9 evakýasııalyq pýnkt Maqat jáne Dossor kentinde, Báıgetóbe aýylyndaǵy mektepter men sport keshenderinde, jergilikti kolledjde daıyndalyp jatyr. Qazir M.Baımuhanov, H.Sanbaev atyndaǵy orta mektepter, Maqat munaı-gaz tehnologııalyq kolledji, Maqat aýdandyq balalar-jasóspirimder sport mektebi, Dossor balalar-jasóspirimder sport mektebi, Maqat aýdandyq №2 balalar-jasóspirimder sport mektebi qajetti tósek jabdyǵymen qamtamasyz etildi. Tasqyn sýdan qaýip tóngen jaǵdaıda bul evakýasııalyq pýnktterge Mahambet aýdanynan turǵyndardy ýaqytsha kóshirý josparlanyp otyr», dep habarlady oblystyq jedel shtabtan.
