Foto: gov.kz
Batys Qazaqstan oblysynyń tórt iri sý qoımasy 93%-ǵa toldy. Barlyǵy shtattyq kestege sáıkes jumys istep tur. Aımaqta sý tasqynynyń ekinshi kezeńi jalǵasyp jatyr.
Oral qalasyndaǵy Jaıyq ózeniniń deńgeıi - 768 sm, ol bir táýlikte 6 sm-ge tómendedi.
Aqmola oblysyndaǵy eki iri sý qoımasy 100%-ǵa toly. Eki nysan da shtattyq kestege sáıkes jumys istep tur. О́ńirde sý tasqynynyń belsendi kezeńi ótti. Astananyń qorǵanys bógetinen Esil ózenine táýligine 4,32 mln tekshe metr sý jiberiledi.
Soltústik Qazaqstan oblysyndaǵy 2 iri sý qoımasy 100%-ǵa toly. Esil ózeninde sý tasqynynyń ekinshi kezeńi jalǵasýda.
Petropavl qalasy shegindegi Esil ózeniniń deńgeıi - 1088 sm. Ol bir táýlikte 8 sm-ge tómendedi.
«Aqtóbe oblysynda eki iri sý qoımasynyń ortasha sý jınaý kórsetkishi 95%. Eki nysan da shtattyq kestege saı jumys isteıdi. Aımaqta sý tasqynynyń belsendi kezeńi ótti. Al Shyǵys Qazaqstan oblysyndaǵy eki iri sý qoımasy boıynsha ortasha sý jınaý kórsetkishi 84,6%.
Abaı oblysynda Shúlbi sý qoımasy 53,2%-ǵa toldy. Ertis kaskadynyń barlyq sý qoımalary shtattyq rejımde jumys istep tur», delingen mınıstrlik habarlamasynda.
Sondaı-aq 10 sáýirde bastalǵan Shúlbi sý qoımasynan Ertis ózenine sý ótkizý barysynda 6,7 mlrd tekshe metr sý jiberildi.
Qaraǵandy oblysynda 3 iri sý qoımasy 99%-ǵa toly. Olardyń barlyǵy shtattyq kestege saı jumys istep jatyr. Aımaqta sý tasqynynyń belsendi kezeńi ótti.
Qostanaı oblysyndaǵy eki iri sý qoımasynyń ortasha sý jınaý kórsetkishi - 92%.
«Sý qoımalarynda «Qazsýshar» mamandarynyń kezekshiligi jáne sý sharýashylyǵy jaǵdaıynyń monıtorıngi júrip jatyr. Sý qoımalarynda jınalǵan sý aýyl sharýashylyǵy men ónerkásipte paıdalaný úshin jiberiledi», dep qosty mınıstrlik baspasóz qyzmeti.
