Foto: ernur.kz
Oblystyq Polısııa basqarmasy oqıǵa 12 mamyrǵa qaraǵan túni bolǵanyn málimdedi.
«Búrkit-35» brıgadasynyń polıseıleri joldaǵy «ZIL-131» avtokóliginen kúdiktenip, toqtaýdy buıyrǵan. Alaıda júrgizýshi patrýldik toqtatý pármenin elemeı, izin sýytqan.
«Júk kóligin basqarǵan 49 jastaǵy er adam Almaty-Jetigen tas jolynyń 32-shi shaqyrymyndaǵy aıaldamaǵa úlken jyldamdyqpen soǵylǵan. Apat saldarynan eki adam kóz jumyp, úsheýi túrli jaraqattarmen oblystyq aýrýhanaǵa jatqyzyldy», dedi oblystyq jol polısııasy basqarmasynyń bastyǵy Baýyrjan Álenov.
Medısınalyq saraptama nátıjesinde júk kóliginiń júrgizýshisi ortasha mas kúıinde bolǵany anyqtaldy.
«Er adam ýaqytsha ustaý ızolıatoryna qamaldy, kólik arnaıy turaqqa ornalastyryldy, eki adamnyń ólimine ákep soqtyrǵan jol-kólik oqıǵasy boıynsha qylmystyq is qozǵaldy», dedi Baýyrjan Álenov.
