Foto: Aqorda
Bul – tehnologııalyq derbestiktiń alǵysharty. Onyń mańyzy energetıka nemese logıstıka salasynan kem túspeıdi.
«Esepteý qýatyn, derekterdi jáne baılanys arnalaryn baqylaýda ustaý aıryqsha ózekti. Qazirgi zamanda muny ózgelerden táýelsiz bolýdyń buljymas qaǵıdasy desek, artyq aıtqandyq emes. Bizge jasandy ıntellekt pen «bultty» tehnologııa qyzmetterine arnalǵan ınfraqurylymdyq bazany damytý kerek. Osy baǵyttaǵy basty joba – «Derekterdi óńdeý ortalyqtarynyń alqabyn» qurý isin júıeli júrgizý qajet. Bul – aldaǵy ýaqytta ekonomıkamyzdyń jańa ındýstrııalyq tiregine aınalatyn aýqymdy klaster. Mundaı ortalyqtar kásipkerler men ǵalymdardy esepteý resýrstarymen qamtamasyz etedi. Senimdi sıfrlyq ınfraqurylym elimizdiń strategııalyq aktıvine aınalýǵa tıis. Úkimet «Derekterdi óńdeý ortalyqtarynyń alqaby» jobasyn muqııat pysyqtaýy qajet. Bul rette halyqaralyq standarttar jáne osy saladaǵy jetekshi kompanııalar bekitken talaptar eskerilýge tıis. Eń bastysy, bul asa mańyzdy jospar elimizdiń suranysyna saı jáne zamanaýı ozyq úrdisterdi eskere otyryp jasalǵany jón. Data-ortalyqtar – sándi sıfrlyq tehnologııalar kórmesi emes», dedi Memleket basshysy.
«Ne bolamyz, ne bordaı tozamyz»: Toqaev sıfrlandyrýǵa salǵyrt qaraýǵa bolmaıtynyn eskertti
Qasym-Jomart Toqaev kıberqaýipsizdik jiti qadaǵalanbasa, kez kelgen ınfraqurylym syr beretinin málimdedi.
«Ulttyq tehnologııalyq ónimniń bárine qaýipsizdik standarttaryn engizý kerek. Derbes derekterdi qorǵaý mindeti Konstıtýsııada naqty bekitildi. Sondyqtan bul jumys qupııalyq, tutastyq, qoljetimdilik qaǵıdattaryna negizdelýi qajet. Memlekettik sıfrlyq qyzmetterdiń turaqty ári qaýipsiz jumys isteýi – basty talaptyń biri. Ashyqtyq, jahandyq ıntegrasııa jáne ulttyq múdde arasyndaǵy teńgerimdi saqtaý – aıryqsha mańyzdy. Memleket osy jumysty tıimdi uıymdastyrǵany durys. Sıfrlyq qaýipsizdik máselesi vırtýaldy keńistik aýqymynan áldeqashan shyǵyp ketti. Taıaý Shyǵystaǵy oqıǵalar jahandyq tártiptiń osal tustaryn aıqyndap berdi. О́kinishke qaraı, búginde damyǵan elderdiń sıfrlyq ınfraqurylymyna qater tónip turǵany jasyryn emes. Mundaı jaǵdaıda halyqaralyq bızneske qaýipsizdik aýadaı qajet. Jahandyq tehnologııalyq qaýymdastyq úshin ınstıtýttar men quqyqtyq júıeniń turaqty, al sıfrlyq ınfraqurylymnyń sapaly bolǵany óte mańyzdy. Qazaqstandy «sıfrlyq habqa» aınaldyrý jóninde mindet qoıdyq. Demek osy talaptyń údesinen shyǵa bilý qajet», dedi Prezıdent.
Qazaqstan krıptohabqa aınala ma? Prezıdent Úkimet pen Ulttyq bankke shuǵyl tapsyrma berdi
