Qazaqstan krıptohabqa aınalady: Prezıdent Úkimet pen Ulttyq bankke shuǵyl tapsyrma berdi

«Qazaqstan da bul baǵytta oń nátıjege qol jetkizdi: elimizdegi qolma-qol aqshasyz tólemderdiń úlesi 80 paıyzdan asty. Osy jıynǵa qatysyp otyrǵan otandyq fın-teh kompanııalar kásibı deńgeıleri joǵary ekenin kórsetti. Sıfrlyq teńgeni keńinen qoldaný shyn máninde «oıyn erejesin» ózgertedi. О́ıtkeni bıýdjettiń ashyqtyǵyn qamtamasyz etip, tranzaksııa úshin alynatyn komıssııalyq tólemderdiń shyǵynyn qysqartady. Bul Qazaqstannyń dúnıe júzinen kóbirek kapıtal tartyp, jetekshi ınvestısııalyq jáne qarjylyq ortalyqqa aınalýyna kómektesýge tıis. Byltyr elimizde alǵash ret sıfrlyq aktıvter men krıptovalıýtany retteıtin quqyqtyq baza qalyptasty. Jyljymaıtyn múlikti, altyndy, iri óndiris kásiporyndarynyń aksııalaryn jáne basqa da aktıvterdi tokenızasııa jasaýǵa múmkindik paıda boldy. Maqsatymyz – aımaqtaǵy jetekshi krıptohabqa aınalý. Úkimet pen Ulttyq bank sıfrlyq aktıvterdi damytýdyń basty baǵyttaryn bekitkeni jón. Bul – shuǵyl mindet, ýaqyt kútpeıdi» dedi Qasym-Jomart Toqaev.

Prezıdenttiń tóraǵalyǵymen Jasandy ıntellektini damytý jónindegi keńestiń ekinshi otyrysy ótti

«Mysaly, bıýrokratııalyq rásimder men bitpeıtin kelisýler qarjynyń tıimdiligin 30 paıyzǵa deıin azaıtady. Tekseris salyq jınaý kezeńiniń qorytyndysy boıynsha júrgiziledi. Al ol kezde bıýdjet qarjysy áldeqashan ıgerilip qoıady. Jasandy ıntellekt arqyly kúsheıtilgen platformalyq tásil bul rette edáýir alǵa ozýǵa jaǵdaı jasaıdy. Atap aıtqanda, úzdiksiz predıktıvti monıtorıng maqsatsyz nemese kúmándi tranzaksııalardy aldyn ala anyqtaıdy. Bul rette tek memleket resýrsyna senim artý strategııalyq turǵydan qate ekenin eskertkim keledi. Qabyldanǵan platformalyq sheshim jeke kapıtaldyń básekege qabilettiligin saqtaıtyn basty qural bolýǵa tıis. Negizgi mindet – osyndaı ınstıtýsıonaldyq orta qalyptastyrý. Úkimet bıznesti yntalandyratyn naqty usynystar engizýi kerek», dedi Memleket basshysy. 

Sıfrlyq ekonomıka IJО́-ge qalaı áser etedi? Prezıdent usynystar engizýdi tapsyrdy