Oqıǵa Oceanwide Expeditions kompanııasyna tıesili MV Hondius kemesinde bolǵan. Keme qazirgi ýaqytta Afrıka jaǵalaýyndaǵy aral memleket – Kabo-Verde astanasy Praııa mańynda tur.
Kompanııanyń málimetinshe, qaza tapqandardyń barlyǵy – jolaýshylar. Qazirgi ýaqytta Kabo-Verde bıligi jolaýshylarǵa kemeden túsýge ruqsat bermeı otyr. Degenmen jergilikti densaýlyq saqtaý mamandary kemege kirip, jedel medısınalyq kómekke muqtaj eki ekıpaj múshesin teksergen.
О́limge ákelýi múmkin: Qazaqstannyń 4 óńirinde asa qaýipti vırýs taralyp jatyr
Hantavırýs adamda aýyr ári keı jaǵdaılarda ólimge ákeletin ókpelik sındrom týdyrýy múmkin. AQSh-tyń Aýrýlardy baqylaý jáne aldyn alý ortalyǵynyń (CDC) málimetinshe, ınfeksııa kóbine kemirgishter arqyly, olardyń zári, nájisi nemese silekeıimen baılanys nátıjesinde juǵady.
Adamnan adamǵa juǵý óte sırek kezdesedi jáne tek And vırýsyna tán jaǵdaılarda ǵana tirkelgen. Bul vırýs negizinen Chılı men Argentınada taralǵan, al keme sol aımaqtan shyqqan bolýy múmkin.
Qazirgi ýaqytta jaǵdaıǵa baılanysty tergeý jáne epıdemıologııalyq tekserý jumystary júrgizilip jatyr.
