Foto: Aqorda
Memleket basshysy jıynda sóılegen sózinde álem tehnologııalyq transformasııanyń múldem jańa kezeńine qadam basqanyna nazar aýdardy.
Prezıdenttiń aıtýynsha, qazirgi ózgerister XIX-XX ǵasyrlardaǵy ındýstrııalyq revolıýsııamen salystyrýǵa kelmeıdi. О́ıtkeni onyń jyldamdyǵy men aýqymdylyǵy sonshalyq, fızıkalyq bolmys pen sıfrlyq keńistik arasyndaǵy shekara joıylyp barady.
«Jasandy ıntellekt jahandyq ekonomıkanyń basty arqaýy, al úlken derekter qory asa mańyzdy resýrs sanala bastady. Sondyqtan Qazaqstan jasandy ıntellektini asa mańyzdy strategııalyq baǵyt retinde qarastyrady. Aldymyzǵa Qazaqstandy zamanaýı sıfrlyq memleketke aınaldyrý jóninde órshil maqsat qoıdyq. Tıisti ınstıtýsıonaldyq alǵysharttar men bazalyq ınfraqurylym qalyptasty. Endi jasandy ıntellekt tehnologııasyn ekonomıkanyń barlyq salasyna engizýimiz qajet. Bul rette «tehnologııalyq saqtyq sharalaryn» basshylyqqa alyp, ulttyq múddeni de umytpaǵan jón», dedi Prezıdent.
