Jańa túzetýlerge sáıkes, medısınalyq-áleýmettik saraptama júrgizý jáne memlekettik járdemaqy taǵaıyndaý tártibi qaıta qaralady. Bul ózgerister koma jaǵdaıyndaǵy naýqastarǵa qatysty qujat rásimdeý prosesin edáýir jeńildetýge baǵyttalǵan.
Mınıstrliktiń málimetinshe, buǵan deıin mundaı jaǵdaılarda qujat tapsyrý barysynda birqatar ákimshilik qıyndyq týyndaıtyn. Endi jańa tártip boıynsha medısınalyq-áleýmettik saraptamaǵa ótinish berýge naýqastyń jaqyn týystary nemese jubaıy resmı túrde quqyly bolady.
Qant dıabetine shaldyqqan jáne ınsýlınge táýeldi naýqastarǵa birjolǵy tólem teń berile me?
Bul tásil birqatar mańyzdy máseleni jedel sheshýge múmkindik beredi, sonyń ishinde naýqastyń áleýmettik mártebesin belgileý jáne memlekettik járdemaqyny ýaqytyly taǵaıyndaý qarastyrylǵan.
Vedomstvonyń aıtýynsha, usynylyp otyrǵan normalar áleýmettik qoldaý rásimderin ashyq ári qoljetimdi etip, azamattarǵa kórsetiletin kómektiń tıimdiligin arttyrady.
Qazirgi ýaqytta tıisti buıryq jobasy «Ashyq NQA» ınternet-portalynda qoǵamdyq talqylaýǵa shyǵarylǵan.
Nurbolat AMANBEK
