Qazaqstanda jyldyq ınflıasııa deńgeıi 10,6%-ǵa deıin baıaýlady

Azyq-túlik naryǵyndaǵy ózgerister

Azyq-túlik ónimderi ishinde keıbir taýarlardyń baǵasy tómendegeni baıqaldy. Atap aıtqanda, banan men apelsın 3%-ǵa, kók shóp pen úrme burshaq 0,6%-ǵa, zefır 0,5%-ǵa, al keptirilgen órik 0,4%-ǵa arzandady.

Sonymen qatar, birqatar ónim qymbattady. Júzim baǵasy 5,6%-ǵa ósse, sary maı men karamel 1,2%-ǵa, kartop 0,8%-ǵa, súzbe 0,6%-ǵa qymbattaǵan. Sondaı-aq orama ónimderi men kekster 0,4%-ǵa, lımon men jasymyq 0,3%-ǵa ósti.

Jyl sońyna qaraı ınflıasııa 10%-ǵa deıin tómendeıdi

Azyq-túlik emes taýarlar

Azyq-túlik emes taýarlar naryǵynda da baǵa ózgeristeri tirkeldi. Kir jýǵysh mashınalar 1,2%-ǵa, parasetamol 0,8%-ǵa, kontakt lınzalaryna arnalǵan eritindi 0,7%-ǵa, blender 0,6%-ǵa, teledıdarlar 0,4%-ǵa arzandaǵan.

Al kerisinshe, keıbir taýarlar qymbattaǵan: qol saǵattary 4%-ǵa, sement 2,4%-ǵa, jeke gıgıena ónimderi 1,5%-ǵa, jýǵysh jáne tazartqysh quraldar 0,7%-ǵa ósti.

Qyzmet kórsetý salasy

Aqyly qyzmetter sektorynda týrısterge arnalǵan medısınalyq saqtandyrý 1,9%-ǵa arzandady. Klınıng qyzmetteri 0,8%-ǵa, kosmetolog qyzmetteri 0,7%-ǵa qymbattasa, kompıýterler men noýtbýktardy jóndeý qyzmeti 0,3%-ǵa ósti.

Jyldyq ınflıasııa 10,6%

Jyldyq esepte 2026 jylǵy sáýirde ınflıasııa 10,6%-dy qurap, naýryz aıymen salystyrǵanda 0,4 paıyzdyq tarmaqqa baıaýlaǵan.

Bul kezeńde azyq-túlik emes taýarlar 11,7%, azyq-túlik taýarlary 11,3%, al aqyly qyzmetter 8,9%-ǵa qymbattady.

Baǵa dınamıkasyndaǵy ózgerister

Jyldyq kórsetkishte keıbir ónimder arzandaǵan: qyryqqabat 24,4%-ǵa, sarymsaq 7,8%-ǵa, qyzylsha 4,7%-ǵa, banan 1,7%-ǵa tómendegen.

Al almurt 10,8%-ǵa, bal 9,1%-ǵa, marmelad 7,6%-ǵa, ashytqy 7%-ǵa, qumsheker 4,2%-ǵa qymbattaǵan.

Azyq-túlik emes taýarlar arasynda útik 20,7%-ǵa, tis pastasy 14,6%-ǵa, zarıadtaý qurylǵylary 6,8%-ǵa, dastarhan 6,4%-ǵa, as úı pyshaǵy 2,5%-ǵa ósken.

Qyzmetter ishinde zańgerlik qyzmetter 10%-ǵa, baılanys qyzmetteri 3,2%-ǵa qymbattaǵan.

Oljas Bektenov: Inflıasııa deńgeıin tómendetý saıasaty jalǵasady

Inflıasııany esepteý

Tutyný baǵalarynyń ındeksi aı saıyn esepteledi. Baqylaý 537 taýar men qyzmet túri boıynsha júrgiziledi. Inflıasııa dınamıkasy boıynsha málimetter arnaıy ınteraktıvti dashbordta 2018 jyldan beri qoljetimdi.

2025 jyldan bastap tutyný baǵalary ındeksindegi úles qurylymy mynadaı: azyq-túlik taýarlary – 41,1%, azyq-túlik emes taýarlar – 28,4%, aqyly qyzmetter – 30,5%.