Foto: Aqorda
Qasym-Jomart Toqaev ekonomıkany sıfrlandyrý zaman talaby ekenin aıtty. Bul rette Prezıdent Birikken Arab Ámirlikteri qolma-qol tólemsiz ekonomıkaǵa kóshýdi josparlap otyrǵanyn mysalǵa keltirdi. Qytaıdan da úlgi alýǵa bolady. Kórshiles el jyl saıynǵy trıllıon dollar tranzaksııalardy sıfrlyq platformada óńdeý isin jolǵa qoıdy.
«Qazaqstan da bul baǵytta oń nátıjege qol jetkizdi: elimizdegi qolma-qol aqshasyz tólemderdiń úlesi 80 paıyzdan asty. Osy jıynǵa qatysyp otyrǵan otandyq fın-teh kompanııalar kásibı deńgeıleri joǵary ekenin kórsetti. Sıfrlyq teńgeni keńinen qoldaný shyn máninde «oıyn erejesin» ózgertedi. О́ıtkeni bıýdjettiń ashyqtyǵyn qamtamasyz etip, tranzaksııa úshin alynatyn komıssııalyq tólemderdiń shyǵynyn qysqartady. Bul Qazaqstannyń dúnıe júzinen kóbirek kapıtal tartyp, jetekshi ınvestısııalyq jáne qarjylyq ortalyqqa aınalýyna kómektesýge tıis. Byltyr elimizde alǵash ret sıfrlyq aktıvter men krıptovalıýtany retteıtin quqyqtyq baza qalyptasty. Jyljymaıtyn múlikti, altyndy, iri óndiris kásiporyndarynyń aksııalaryn jáne basqa da aktıvterdi tokenızasııa jasaýǵa múmkindik paıda boldy. Maqsatymyz – aımaqtaǵy jetekshi krıptohabqa aınalý. Úkimet pen Ulttyq bank sıfrlyq aktıvterdi damytýdyń basty baǵyttaryn bekitkeni jón. Bul – shuǵyl mindet, ýaqyt kútpeıdi» dedi Qasym-Jomart Toqaev.
Prezıdenttiń tóraǵalyǵymen Jasandy ıntellektini damytý jónindegi keńestiń ekinshi otyrysy ótti
Prezıdent «naqty ýaqyt ekonomıkasyna» kóshý óte mańyzdy ekenine nazar aýdardy. Sebebi dástúrli júıede memleket únemi «izinen qýyp» otyrady.
Toqaev: Memlekettik derekterdiń biryńǵaı júıesi bolmasa, jasandy ıntellektiden paıda joq
