Foto: gov.kz
Vedomstvonyń baspasóz qyzmetiniń málim etýinshe, mınıstrliktiń Eńbek resýrstaryn damytý ortalyǵy «Birge salaıyq!» jobasy sheńberinde azamattardy jumysqa ornalastyrýdy súıemeldeý jónindegi arnaıy platforma ázirledi. Bul Enbek.kz elektrondyq eńbek bırjasyndaǵy jańa modýl bolady, osynda jumysqa ornalasýǵa jáne óńirlerge turǵyn úı qory men ınfraqurylymdy qalpyna keltirýge kómektesýge nıet bildirgen kez kelgen adam bos oryndarmen tanysyp, ózine unaǵan kez kelgenine ynta bildirip, áńgimelesýden óte alady. Qazirgi ýaqytta platformada 42 bos jumys orny bar.
«Qazirgi ýaqytta biz jumys berýshiler bazasyn jáne bos jumys oryndaryn tolyqtyrýmen aınalysyp jatyrmyz. О́ńirler úshin kim-kimniń de qatysýy óte mańyzdy, óıtkeni, qazir bilikti mamandar da, beıindi bilimi joq mamandar da qajet», dep atap ótti mınıstr Svetlana Jaqypova.
Esterińizge salaıyq, sý tasqyny saldarynan Aqmola, Aqtóbe, Atyraý, Batys Qazaqstan, Qostanaı, Pavlodar, Soltústik Qazaqstan oblystarynyń turǵyndary men ınfraqurylymy zardap shekti.
