Foto: Joǵarǵy Sot
Baqytjan Baıjanovqa qylmystyq kodekstiń 432-baby boıynsha aıyp taǵylǵan edi.
B.Baıjanov 09.11.2023 jyly Q.Bıshimbaev jasaǵan asa aýyr qylmysty ýádesiz jasyrý boıynsha kináli dep tanyldy(Qylmystyq kodekstiń 432-baby).
Prokýror Bıshimbaevty 24 jylǵa, Baıjanovty 4 jylǵa bas bostandyǵynan aıyrýdy surady.
Búgin, 13 mamyr kúni Baqytjan Baıjanovqa qatysty sot úkimi jarııalandy.
Sot sheshimimen B.Baıjanov 4 jylǵa bas bostandyǵynan aıyryldy. Sot Qylmystyq kodekstiń 53-babyna sáıkes sottalýshylar Bıshimbaev pen Baıjanov úshin kámeletke tolmaǵan balalardyń bolýyn jeńildetetin mán-jaılar dep tanydy.
Ol jazasyn qaýiptiligi ortasha túzetý mekemesinde óteıdi.
«Sottalýshylardyń kinási jábirlenýshiniń, kýálardyń aıǵaqtarymen, aýdıo-beınematerıaldarmen, saraptamalyq qorytyndylarmen jáne qylmystyq istiń basqa materıaldarymen dáleldendi», delingen Joǵarǵy sot habarlamasynda.
Sottyń úkimi zańdy kúshine engen joq.
