Foto: Joǵarǵy Sot
«99-baptyń 2-bóliginiń sanksııasyna sáıkes biz eń kóp degende 20 jyl bas bostandyǵynan aıyrýdy suradyq. 110-bap «Azaptaý» boıynsha 7 jyl suradyq, bul atalǵan baptar boıynsha eń joǵary jaza. Búgin estigenimizdeı, sot 24 jylǵa deıin jaza taǵaıyndady. Iаǵnı, biz suraǵanymyzdaı boldy», dedi memlekettik aıyptaýshy Aıjan Aımaǵanova.
Sonymen qatar Qýandyq Bıshimbaev shartty túrde merziminen buryn bosatý sharty boıynsha kolonııadan ketkisi kelse, jazasyn óteý merziminiń 2/3 bóligin óteýi kerek ekenin aıtty.
«Shartty túrde merziminen buryn bosatý – sottyń quzyrynda. Eger Saltanat Núkenovanyń týystary bas tartsa, sot shartty túrde merziminen buryn bosatý týraly sheshim qabyldamaıdy», dep qosty Aımaǵanova.
Esterińizge sala keteıik, búgin, 13 mamyr kúni Astanada Saltanat Núkenovanyń ólimine qatysty sot prosesi aıaqtaldy. Burynǵy Ulttyq ekonomıka mınıstri Qýandyq Bıshimbaevqa qatysty úkimdi sýdıa Aıjan Qulbaeva oqydy.
