Foto: ©instagram.com/ertugan_zeinulinov
63,5 kg salmaq dárejesinde rıngke shyqqan otandasymyz Ertýǵan Zeınýllınov ıran boksshysy Habıbınıjat Álıge ese jiberdi.
3 raýndtyq aıqastyń ekinshi raýndy ǵana Ertýǵan Zeınýllınovtyń basymdyǵymen aıaqtaldy.
Judyryqtasý aıaqtalǵannan keıin qosymsha baqylaýshylardyń nusqaýymen ıran boksshysynyń asyǵy alshysynan tústi.
Habıbınıjat Álı 63, 5 kg-da Irannyń olımpıadalyq irikteý týrnırine de úkilep qosyp otyrǵan úmitkeri.
Taılandtaǵy tartysta onyń joly el boksshysy Muhammedsabyr Bazarbaıulymen toǵysyp qalýy ábden múmkin.
Eske salaıyq, Ertýǵan Zeınýllınov 63,5 kg salmaq dárejesinde ótken jylǵy Elorda kýbogi II týrnıriniń jeńimpazy atanǵan edi. Bıyl týrnır chempıony alǵashqy aınalymnan asa almady.
63,5 kg salmaq dárejesindegi taǵy bir el boksshysy Bekzat Maqjan ózbek Adhamdon Mýhıddınovten jeńildi.
