Foto: gov.kz
Búgingi kúnge deıin jergilikti ákimdikter júrgizip úlgergen tehnıkalyq qadaǵalaý nátıjesinde keltirilgen zalaldy óteý maqsatynda komıssııa 1 898 turǵyn úı obektilerin salý, jyljymaıtyn múlik naryǵynda 4 059 turǵyn úı obektilerin satyp alý, 8 415 nysandy jóndeý týraly sheshim qabyldady.
Atyraý oblysy – qurylys, jóndeý jumystaryn aıaqtaý jáne turǵyn úılerdi satyp alý merzimi - 2024 jylǵy qyrkúıek.
Aqmola oblysy – qurylys, jóndeý jumystarynyń aıaqtalý jáne turǵyn úılerdi satyp alý merzimi - 2024 jylǵy qazan.
BQO – qurylys jáne jóndeý jumystarynyń aıaqtalý merzimi - 31 shilde, turǵyn úılerdi satyp alýdyń aıaqtalý merzimi - 2024 jylǵy 15 tamyz.
«Mınıstrlik jedel sheshýdi talap etetin máselelerde ádistemelik kómek kórsetý problemalaryn talqylaý boıynsha óńirlermen turaqty negizde keńester ótkizip jatyr. Ákimdikterdiń usynystary boıynsha Úkimettiń keıbir sheshimderine túzetýler engizildi. Qurylys-jóndeý jumystaryn ýaqtyly aıaqtaý úshin árbir obektide qurylys jumystarynyń bastalýyn qamtamasyz etý úshin eńbek jáne materıaldyq (jabdyq) resýrstaryn jumyldyrýdy jáne brıgadaǵa 3 obektiden aspaıtyn mólsherde jóndeý jumystaryn júrgizýdi qamtamasyz etý qajet. Eńbek resýrstarynyń bar-joǵyn egjeı-tegjeıli monıtorıngti Bıtrıks júıesi arqyly da qadaǵalaý josparlanyp otyr», delingen mınıstrlik habarlamasynda.
